28000 ލީޓަރުގެ ތެޔޮ ފަލަސްތީނުގެ ދީރްބަލާގެ މުނިސިޕަލްޓީއަށް އިންޓަރނޭޝަލް އެއިޑްސް ކެމްޕޭނުން ފޯރުކޮށްދީފިއެވެ.

އައިއޭސީ އިން ބުނީ ދީރް ބަލާ މުނިސިޕަލްޓީއަށް ފޯރުކޮށްދެވުނު އެ ތެލުން ގޭގެއަށް ފެން ފޯރުކޮށްދޭ މައި ފެން ޕްލާންޓާއި، ނަރުދަމާ ޕްލާންޓްތަކަށް ހިންގުމަށް ބޭނުން ކުރެވޭނެ ކަމަށެވެ.

ދީރްބާލާގެ ރައްޔިތުންގެ އަދަދު 250،0000 އަށް އަރާއިރު، އެތެރޭގެ ގޮތުން ގެދޮރު ގެއްލިފައިވާ މީހުންނާއި އެކު އެ އަދަދު 450،000 އަށް ވުރެ މައްޗަށް އަރާ ކަމަށް އައިއޭސީ އިން ބުނެފައިވެއެވެ.

Advertisement

ޣައްޒާގައި އިޒްރާއިލުން ހިންގަމުންދާ ޤަތުލްޢާންމުގައި ޣައްޒާގެ އެތައް ބަޔަކު ޝަހީދުވެ ޢުމްރާނީ ގޮތުން އެތައް ގެއްލުން ތަކެއް ލިބިފައިވާ އިރު މިވަގުތައް ހަމާސްގެ މުޖާހިދުންނާއި އިޒްރާއިލްގެ ޔަހޫދީން ވަނީ ހަމަލާ ބަދަލު ކުރުންތައް 4 ދުވަހަށް މެދުކަނޑަލައިފައެވެ.

ޣައްޒާގައި ހަމަލާތައް ކުރިއަށް ދިޔައިރުވެސް އައިއޭސީ ގެ ވޮލެންޓިއަރުން ދިޔައީ ވެވުނު މިންވަރަކުން ޣައްޒާގެ ރައްޔިތުންނަށް އެހީ ފޯރުކޮށްދެމުންނެވެ.