ފުލުހުންގެ ކޮމިޝަނަރު ކަމަށް ބޭފުޅަކު އައްޔަނު ކުރައްވަންދެން ފުލުހުންގެ މުއައްސަސާ ވަގުތީ ގޮތުން ހިންގެވުމަށް ފަރުހާދު ފިކުރީ އައްޔަނުކުރައްވައިފިއެވެ.

ދާޚިލީ ސަލާމަތާ ބެހޭ ވަޒީރު އަލީ އިޙްސާން ވިދާޅުވީ، އަވަސް ތާރީޚެއްގައި ކޮމިޝަނަރ އޮފް ޕޮލިސްގެ މަޤާމަށް ފުލުހަކު ޢައްޔަންކުރައްވާނެކަމަށެވެ.
 މީގެ އިތުރުންވެސް، ކޮމިޝަނަރ އޮފް ޕޮލިސް ގެ މަޤާމަށް ވަކި ބޭފުޅަކު ޢައްޔަން ކުރެވެންދެން އެ މަޤާމުގެ މަސްޢޫލިއްޔަތުތަކާއި ހަވާލުވެގެން މަސައްކަތް ކުރަމުން ގެންދަވާނީ ފަރުހާދު ކަމަށެވެ.

އެކްޓިންގް ކޮމިޝަނަރ އޮފް ޕޮލިސް ގެ މަޤާމަށް ފަރުހާދު ހަމަޖައްސައިފައިވަނީ ޑެޕިއުޓީ ކޮމިޝަނަރުންގެ ގޮތުގައި ތިއްބެވި އަބްދުލްމަންނާން ޔޫސުފާއި، އަލީ ރަޝީދު އަދި ކޮމިޝަނަރ އޮފް ޕޮލިސް މުޙައްމަދު ޙަމީދު ފުލުހުންގެ ޚިދުމަތުން ރިޓަޔާ ކުރެއްވުމުންނެވެ.