ގއ.ދާންދޫ ކައުންސިލުން، ސިޓީތަކާއި އިދާރީ ދާއިރާތައް ހިންގުމާއި، ޢާންމު މަސައްކަތްތަކާ ބެހޭ މިނިސްޓަރު އާދަމް ޝަރީފް އުމަރާއި ބައްދަލުކޮށް ކައުންސިލަށް ދިމާވެފައިވާ ގޮންޖެހުންތަކާއި ކަންބޮޑުވުންތައް ހިއްސާ ކޮށްފިއެވެ.
މިއަދު މިނިސްޓަރ ޓްވިޓާގައި ކުރެއްވި ޓްވީޓެއްގައި ވަނީ ގއ.ދާންދޫ ކައުންސިލްގެ ރައީސް އަދި ނައިބު ރައީސް އާއި އަދި އެކައުންސިލްގެ ބައެއް މެމްބަރުންނާއި އެކު މިއަދު ބައްދަލު ކުރެއްވި ކަމަށެވެ. މި ބައްދަލުވުމުގައި ކައުންސިލް ބާރުވެރިކުރުމަށް ކުރެވިދާނެ ކަންތައްތަކާއި ބެހޭގޮތުން މަޝްވަރާ ކުރެއްވި ކަމަވެސް ވެސް ވިދާޅުވިއެވެ.
މީގެ އިތުރުންވެސް މިބައްދަލުވުމުގައި ދާންދޫ ކައުންސިލްގެ މަސައްކަތްތަކަށް ކުރިމަތިވާ ގޮންޖެހުންތަކާއި ބެހޭގޮތުން ހިޔާލުބަދަލުކޮށް އެ ކައުންސިލުން އެކުލަވާލައިފައިވާ ބައެއް އުސޫލުތައްވެސް ވަނީ މިނިސްޓަރާއި ހިއްސާކޮށްފައެވެ.
މީގެ އިތުރުންވެސް މިނިސްޓަރ އާދަމް ޝަރީފް އުމަރު ވަނީ އެ ކައުންސިލްގެ ގިނަ މެމްބަރުން ވެރިކަން ކުރާ ޕީއެންސީއާއި ގުޅިފައިވާތީ އެކަމަށް މަރުހަބާ ވިދާޅުވެފައެވެ.
"ގަ ދާންދޫގެ ގިނަ މެމްބަރުން މިއަދު ޕީއެންސީއަށް ގުޅިވަޑައިގަތުމަކީ ރައީސް ޑރ.މުއިއްޒުގެ ސަރުކާރު ދެމެހެއްޓުމަށް ކައުންސިލް އިން އެއްބާރުލުން ލިބޭނެކަން އަންގައިދޭ ކަމެއް! މަރުހަބާ! "
މިނިސްޓަރ ގެ ޓްވީޓްގައި ވެއެވެ.
ކައުންސިލްތައް ކުރިއަށް ވުރެ ބާރުވެރި ކުރުވުމަކީ ރައީސް ޑރ.މުއިއްޒުގެ ރިޔާސީ ވައުދުފުޅެކެވެ.
Advertisement
This content is created and paid for by advertisers and does not involve Voice Journalists
