ރައްޔިތުންގެ މަޖިލީހުގެ 2024 ވަނަ އަހަރުގެ އިންތިޚާބީ ދާއިރާތައް ކަނޑައެޅުމާބެހޭ ފައިނަލް ރިޕޯޓް ނެރެފިއެވެ.

މި ރިޕޯޓަކީ ރައްޔިތުންގެ މަޖިލީހުގެ އިންތިހާބީ ދާއިރާތައް ކަނޑައެޅުމާއި ބެހޭ ގާނޫނު ގެ ދަށުން ކޮންމެ އިދާރީ ދާއިރާއަކަށް ރަޖިސްޓްރީ ކުރެވިފައިވާ ޖުމްލަ އާބާދީގެ އަދަދު އެ ދާއިރާ އަކަށް ކަނޑައެޅޭ ރައްޔިތުންގެ މަޖިލީހުގެ މެމްބަރުންގެ ޖުމްލަ އަދަދުން ގެއްލުމުން،ހިމެނޭ އިންތިހާބީ ދާއިރާތަކަށް ކަނޑައެޅުމާއި ބެހޭގޮތުން ތައްޔާރު ކޮށްފައިވާ ރިޕޯޓެކެވެ.

ރައްޔިތުންގެ މަޖިލީހުގެ މެމްބަރުންގެ ދާއިރާ ކަނޑައެޅޭނީ ކޮންމެ އިދާރީ ދާއިރާ އަކަށް 5000 ނުވަތަ އެއަށް ވުރެ މަދުން ރައްޔިތުން ތިބި ނަމަ 2 މެމަބަރުން އެ ދާއިރާއެއް ތަމްސީލު ކުރާގޮތަށެވެ. އަދި ދާއިރާގެ އާބާދީ 5000 އަށް ވުރެ އިތުރުވާނަމަ އެ އިތުރުވާ 5000 މީހުންނަށް މެމްބަރެއް ތަމްސީލު ކުރާގޮތަށް ކަމަށްވެސް މަޖިލީހުން ނެރެފައިވާ ރިޕޯޓުގައި ވެއެވެ.

Advertisement

2019 ވަނަ އަހަރާއި އަޅާ ބަލާއިރު މިއަހަރު 5 ދާއިރާއަކުން ރައްޔިތުންގެ މަޖިލީހަށް ގޮނޑިވަނީ އިތުރުވެފައެވެ. އެއީ މާލެ ސިޓީން ދެ ގޮނޑިއާއި، މާޅޮސްމަޑުލު ދެކުނުބުރި ދާއިރާ، މާލެ އަތޮޅު ދާއިރާ، ހުވަދު އަތޮޅު އުތުރުބުރި އަދި އައްޑޫ ސިޓީ ހިމެނޭހެން ކޮންމެ ދާއިރާ އަކުން އެއް ގޮނޑިއެވެ.

ރައްޔިތުންގެ މަޖިލީހުގެ އިންތިހާބު ކުރިއަށް ގެންދިއުމަށް ހަމަ ޖެހިފައިވަނީ 2024 ވަނަ އަހަރު ރޯދަމަހަށް ފަހުގައެވެ.