އިސްރާއީލުން ފަލަސްތީނުގެ ޣައްޒާއަށް ދެމުންގެންދާ ހަމަލާތައް އިތުރު ދެ ދުވަހަށް ހުއްޓާލަން އެއްބަސްވެއްޖެއެވެ.
މިކަން ޤަތަރުގެ ފޮރިން މިނިސްޓްރީން ވަނީ ކަށަވަރު ކޮށްދީފައެވެ.
ހަމަލާތައް ހުއްޓަލުމަށް އެއްބަސްވެފައިވަނީ ކުރިން ހަތަރު ދުވަހަށް ހަމަލާދިނުން ހުއްޓަލުމަށް އެއްބަސްވިއިރު ވެވިފައިވާ ޝަރުތުތަކާ އެއްގޮތަށެވެ.
ޣައްޒާގައި ހިފަހައްޓާގައި ތިބި އިސްރާއީލްގެ ރައްޔިތުން ދޫކުރަން ހަމާސްއިން އެއްބަސްވެއްޖެ ނަމަ، ހަމަލާތައް މެދުކަނޑާލާފައި އޮންނަ ދުވަސްތައް އިތުރު ކުރާނެ ކަމަށް މީގެ ކުރިން އިސްރާއީލުން ވަނީ ބުނެފައެވެ.
ދެފަރާތުންވެސް ބަންދުގައި ތިބި މީހުން ދޫކޮށްލުމަށް ވެފައިވާ އެއްބަސް ވުމުގެ ދަށުން ހަމާސްއިން މިހާތަނަށް 41 މީހަކު ދޫކޮށްފައިވާއިރު އިސްރާއީލުން ވަނީ ފަލަސްތީނުގެ 78 މީހަކު ދޫކޮށްލާފައެވެ.
މިދިޔަ އޮކްޓުބަރު މަހުގެ ހަތަކުން ފެށިގެން އަނިޔާވެރި އިސްރާއީލުގެ ސިފައިން ފަލަސްތީނުގެ ޣައްޒާއަށް ދެމުންގެންދާ ހަމަލާތަކުގައި މިހާތަނަށް 14،854 ރައްޔިތެއް ވަނީ ޝަހީދުވެ އެތައް ހާސް ރައްޔިތުނެއް ޒަހަމްވެފައެވެ.
Advertisement
This content is created and paid for by advertisers and does not involve Voice Journalists
