ޣައްޒާގައި ވެއްޓިފައިވާ ޢިމާރާތްތަކުގެ ދަށުން މީހުންގެ ހަށިތައް ނެގުމަަށް މަސައްކަތް ކުރަމުންދާ ޣައްޒާގެ ސިވިލް ޑިފެންސް ގްރޫޕްތަކަށް އެކަމުގައި ދަތިތަކެއް ކުރިމަތިވަމުންދަ ކަމަށް ސިވިލް ޑިފެންސް ޓީމުގެ މެމްބަރަކު ބުނެފިއެވެ.
އަލްޖަޒީރާ އާއި ވާހަކަ ދެއްކި ޚަލީލް އަބޫ ޝަމާލް ބުނެފައިވަނީ ހަމަލާތަކުގައި ހަލާޚުވެފައިވާ ޢިމާރާތް ތަކުގެ ދަށުގައި ތާށިވފައިވާ މީހުންގެ ހަށިތައް ނެގުމަަށް ކޮނުމުގައި ދަތިތަކެއް ދިމާވަމުންދާ ކަމަށެވެ.
“މިފަދަ ޙާލަތްތަކުގައި ބޭނުން ކުރާނެ ހެވީ ޑިޔުޓީ ވެހިކަލް ތައް ނެތުމުގެ ދަތިތައް މިވަނީ ތަހައްމަލް ކުރަން ޖެހިފައި، ވެއްޓިފައިވާ އިމާރާތްތަކުގެ ދަށުގައިވާ ޝަހީދުންގެ ހަށިތައް ނޫނީ ދިިރިތިބިމީހުންގެ ހަށިތައް ނެގުމަށް މިވަނީ ދަތިވެފަ، މިދައްކަނީ އެތައް ހާސް މީހުންގެ ވާހަކަ، ޚާއްސަކޮށް ބައިތް ޙަނޫން އާއި ބައިތް ލަހިޔާ އޭ ކިޔާ ސަރަހައަދު” ޙަލީލް އަލްޖަޒީރާއަށް ބުނެފައިވެއެވެ.
ޚަލީލް އިތުރަށް ބުނެފައިވަނީ ޣައްޒާގެ ސިވިލް ޑިފެންސް ފޯސް އަށް ބައިނަލް އަޤްވާމީ ފަރާތްތަކުން، މިކަންކަމަށް ބޭނުންވާ ޒަމާނީ ވަސީލަތްތައް ފޯރުކޮށް ނުދީފިނަމަ އެމަސައްކަތް އެމީހުންނަށް ފުރުހަމައެއް ނުކުރެވޭނެ ކަމަށެވެ.
ސިވިލް ޑިފެންސް ފޯސް އިން ބުނެފައިވަނީ ހަމަލާތައް މެދުކަނޑާލައިފައި އޮތް މުއްދަތުގެ ތެރޭގައި މިހާތަނަށް ކުރެވުނު މަސައްކަތުން ވެއްޓިފައިވާ ޢިމާރާތްތަކުގެ ދަށުން ނެގިފައިވަނީ 160 ޝަހީދުންގެ ހަށިގަނޑުކަމަށެވެ. ފަލަސްޠީނުގެ ހެލްތް މިނިސްޓްރީ އިން ލަފާކޮށްފައިވަނީ ވެއްޓިފައިވާ ޢިމާރާތްތަކުގެ ދަށުގައި 7000 އެއްހާ މީހުން ތާށިވެފައިވާނެ ކަމަށެވެ.
Advertisement
This content is created and paid for by advertisers and does not involve Voice Journalists
