ނުކުޅެދުންތެރިކަން ހުންނަ މީހުންނާއި ކުޑަކުދިންނާއި ޒުވާނުންނާއި އެމީހުންގެ އާއިލާތަކަށް ހިދުމަތްތަކާއި ވަސީލަތްތައް ފޯރުކޮދިނުމާއި ބެހޭގޮތުން މިނިސްޓަރ އޮފް ސިޓީސް ލޯކަލް ގަވަމެންޓް އެންޑް ޕަބްލިކް ވޯކްސް އާދަމް ޝަރީފް އުމަރާއި މިނިސްޓަރ އޮފް ސޯޝަލް އެންޑް ފެމިލީ ޑިވެލޮޕްމެންޓް ޑރ.އައިޝަތު ޝިހާމް މަޝްވަރާ ކުރައްވައިފިއެވެ.
މި ބައްދަލުވުމުގައި އެ ފަރާތްތަކަށް ބޭނުންވާ ހިދުމަތްތަކާއި ވަސީލަތްތައް ފޯރުކޮށްދީ، ރާވައި، ކޯޑިނޭޓް ކުރުމަށް ސަރުކާރުގެ އެކި ޑިޕާޓްމަންޓްތަކުގެ މެދުގައި އެއްބާރުލުން ދިނުމަށް ލޯކަލް ގަވަރމަންޓް އޮތޯރިޓީން ކުރަމުންދާ މަސައްކަތް މިނިސްޓަރ ޑރ.އައިޝަތު ޝިހާމާއި ވަނީ ހިއްސާކޮށްފައެވެ.
ހާއްސަ އެހީއަށް ބޭނުންވާ ފަރާތްތަކަށް ވަޒީފާގެ ފުރުސަތު ދިނުމުގެ ސިޔާސަތު އެކުލަވާލައި ތަންފީޒު ކުރުމަކީ ރައީސް ޑރ.މުހައްމަދު މުއިއްޒުގެ ހަފްތާ 14 ގައި ހިމެނޭ ކަމެއްކަން ފާހަގަކޮށްލަން ޖެހެއެވެ.
މިނިސްޓަރ ޑރ.އައިޝަތު ޝިހާމް ވަނީ މިއަދު ފިޔަވައްޗަށް ޒިޔާރަތްކުރައްވައި، ފިޔަވަތީގެ މުވައްޒަފުންނާއިވެސް ބައްދަލުކުރައްވާފައެވެ.
މި ބައްދަލުކުރެއްވުމުގައި މިނިސްޓްރީ އޮފް ސޯޝަލް އެންޑް ފެމިލީ ޑިވެލޮޕްމެންޓް ގެ ސްޓޭޓް މިނިސްޓަރ އާމިނަަތު ޙުސައިން ޝަރީފް އަދި ޕާމަނަންޓް ސެކްރެޓަރީ ޟަޢުފިޝާން ޢަބްދުالله ކަމާލުއްދީން ބައިވެރިވެވަޑައިގެންނެވިއެވެ.
Advertisement
This content is created and paid for by advertisers and does not involve Voice Journalists
