ރައީސުލްޖުމްހޫރިއްޔާ ޑރ މުހައްމަދު މުއިއްޒުގެ ހަފްތާ 14 ގެ ލަނޑުދަނޑިތައް ހާސިލްކުރުމަށްޓަކައި އިޖްތިމާއި އަދި އާއިލީ ތަރައްގީއާއި ބެހޭ ވުޒާރާގެ ފަރާތުން އަމިއްލަ ޖަމިއްޔާތަކާއި ބައްދަލުކުރައްވައި ޚިޔާލު ހޯއްދަވައިފިއެވެ. 

އެ ވުޒާރާގައި ކުރިއަށް ގެންދިޔަ މި ބައްދަލުވުމުގައި ވަނީ، ސަރުކާރުގެ ހަފްތާ 14 ގެ އަމާޒުތައް ތަންފީޒުކުރުމުގައި ކަމާއި ގުޅޭ އަމިއްލަ ޖަމާއަތްތަކާއި ޖަމިއްޔާތަކުގެ ހިޔާލު ހޯދައި މަޝްވަރާ ބަދަލުުރައްވައިފައެވެ. 

މި ބައްދަލުކުރެއްވުމުގައި އިޖްތިމާއި އަދި އާއިލީ ތަރައްގީއާއި ބެހޭ ވުޒާރާގެ ސްޓޭޓް މިނިސްޓަރ އާމިނަތު ހުސައިން ޝަރީފްގެ އިތުރުން ނެޝެނަލް ސޯޝަލް ޕްރޮޓެކްޝަން އޭޖެންސީގެ އިސްބޭފުޅުންނާއި އެންޑޯމެޓްރޯސިސް އެސޯޝިއޭޝަން އޮފް ދަ މޯލްޑިވްސްއާއި ފާރޓިލިޓީ ސަޕޯޓް ކޮމިއުނިޓީގެ އިސްބޭފުޅުން ވަނީ ބައިވެރިވެ ވަޑައިގެންފައެވެ. 

Advertisement

ހަފްތާ 14 އަކީ ރައީސް ޑރ. މުހައްމަދު މުއިއްޒުގެ ސަރުކާރުން ރާއްޖެއަށް މިހާރުން މިހާރަށް ބޭނުންވާ ތަރައްގީގެ މުހިންމު ޕްރޮގްރާމްތައް ކުރިއަށް ގެންދިއުމަށް އެކުލަވާލައިފައިވާ މަގު ޗާޓެކެވެ. 

ހަފްތާ 14 މަގުޗާޓުގައި 8 ދާއިރާއަކުން 161 ވައުދެއް ވަނީ ހިމަނާފައެވެ.