އަނިޔާވެރި އިސްރާއިލުގެ އަމާޒަކަށް ވެފައިވާ ފަލސްތީނުގެ ޣައްޒާގައި ފީލްޑް ހޮސްޕިޓަލެއް ގާއިމް ކުރުމުގެ މަޝްވަރާތައް ޔޫއޭއީ އާއި ގުޅިގެން ކުރަމުން އަންނަ ކަމަށް އިޓަލީން ބުނެފިއެވެ.

އިޓަލީގެ ކަމާ ބެހޭ ފަރާތްތަކުން މިއަދު ނެރުނު ބަޔާނެއްގައި ބުނެފައި ވަނީ އެ ގައުމުގެ ރޯމުން ޔޫއޭއީގެ ގަލްފަށް ޑޮކްޓަރުން ފޮނުވައިގެން އެ ސްޓޭޓަށް ބަދަލުވި ފަލަސްތީނުގެ ޒުވާން ބަލިމީހުންނަށް ފަރުވާ ދިނުމަށް އެހީތެރިކަން ފޯރުކޮށްދެމުން ދާކަމަށެވެ.

އިސްރާއީލާއި ހަމާސް ހަނގުރާމައިގައި ޒަޚަމްވި އާންމުންނަށް އެހީތެރިވުމުގެ މަސައްކަތުގެ ތެރެއިން އިޓަލީން މިހާރު ވަނީ ދެ ބޯޓެއްގައި އެހީގެ ތަކެތި އެ ސަރަހައްދަށް ފޮނުވާލާފައެވެ. މީގެ އިތުރުންވެސް އިޓަލީގެ ނޭވީ ހޮސްޕިޓަލް ޝިޕެއް ޑިސެމްބަރު މަހުގެ ތިން ވަނަ ދުވަހު މިސްރުގެ އަލް އަރީޝްގެ ބަނދަރުގައި ބަނދަރުކުރާނެއެވެ.

Advertisement

ދުބާއީގައި އޮންނަ ސީއޯޕީ28 ކްލައިމެޓް ސަމިޓަށް ދަތުރުކުރައްވާ އިޓަލީގެ ބޮޑުވަޒީރު ޖިއޮޖިއާ މެލޯނީ އޭނާގެ ފްލައިޓުގައި އިޓަލީގެ ދެ ކުޑަކުދިންގެ ހޮސްޕިޓަލެއްގައި މަސައްކަތްކުރާ ކުޑަކުދިންގެ ހާއްސަ ޑޮކްޓަރުންގެ ޓީމެއް ގެންދިއުމަށްވެސް ވަނީ ހަމަޖެހިފައެވެ.