ފަތުރުވެރިކަމުގެ ސިނާއަތުގައި ރާއްޖެއަށް އިތުރު ކާމިޔާބީތަކެއް ހޯދޭނެކަމުގެ ފުރިހަމަ ޔަގީންކަން އެބައޮތް ކަމަށް ފަތުރުވެރިކަމާބެހޭ ވަޒީރު އިބްރާހިމް ފައިޞަލް ވިދާޅުވެއްޖެއެވެ.
ކުރުނބާ މޯލްޑިވްސްގައި ރޭ ކުރިއަށް ދިޔަ ބޭއްވި މޯލްޑިވްސް ބޯޓިން އެވޯޑު ހަފުލާގައި ވާހަކަފުޅުދައްކަވަމުން ވަޒީރު ވިދާޅުވީ، ފަތުރުވެރިކަމުގައި ރާއްޖެއަށް ބޮޑެތި އިތުރު ކާމިޔާބީތައް ހޯދިދާނެ ކަމުގެ ފުރިހަމަ ޔަގީންކަން އެ އޮތްކަމަށާއި އެކަމަށްޓަކައި ގިނަ މަސައްކަތްތަކެއް ކުރެވެމުން އަންނަ ކަމަށެވެ.
މީގެ އިތުރުން ވަޒީރު ވިދާޅުވީ، ދިވެހިރާއްޖެއަކީ ދުނިޔޭގެ އެންމެ މަގުބޫލު ފަތުރުވެރިކަމުގެ މަންޒިލަށް ހެދުމަށްޓަކައި ބޯޓިން އެސޯސިއޭޝަނުން ވަރަށް ބުރަކޮށް މަސައްކަތް ކުރައްވާކަމުގައެވެ.
ބޯޓިންއަކީ އަބަދުވެސް އަޅުގަނޑުމެންގެ ފަތުރުވެރިކަމުގެ ސިނާއަތުގެ ވަރަށް ބޮޑު ރޯލެއް އަދާކުރާ ބައެއް
ވަޒީރު ފައިސަލް
މީގެ އިތުރުން ވަޒީރުގެ ވާހަކަފުޅުގައި ވަނީ ދުނިޔޭގެ އެކި ކަންކޮޅުތަކުގައި ރާއްޖެ މަޝްހޫރުކުރުމަށް އެބޭފުޅުންގެ އެހީތެރިކަން އެބައޮތްކަމުގައި ވިދާޅުވެފައެވެ.
އަދި ބޯޓިން އިންޑަސްޓްރީން ކުރަމުން ގެންދާ މަސައްކަތުގެ އަގު ސަރުކާރާއި އެ މަނިކުފާނު އަމިއްލަ ފުޅު ހައިސިއްޔަތުން ވެސް އަގު ވަޒަން ކުރަަައްވާ ކަމަށް ވަޒީރު ވިދާޅުވިއެވެ. މީގެ އިތުރުން ފައިޞަލް ވަނީ މި އިންޑަސްޓްރީގައި ރާއްޖެއަށް އިތުރު ކާމިޔާބީތަކެއް ހޯދޭނެކަމުގެ ފުރިހަމަ ޔަގީންކަން އޮތްކަން ފާހަގަކުރައްވައިފައެވެ.
ރާއްޖޭގެ ކަނޑު ދަތުރުފަތުގެ ދާއިރާއަށް ހާއްސަކޮށް މޯލްޑިވްސް ލިވަބޯޑް އެސޯސިއޭޝަން އޮފް މޯލްޑިވްސް (ލޭމް) ގެ ނަމުގައި މި ޖަމިއްޔާ އުފެދިފައިވަނީ 2007 ވަނަ އަހަރު އެވެ. އޭރު ރާއްޖޭގެ ސަފާރީތަކުގައި ފަސް ކޮޓަރި ހުއްޓަސް މިހާރު އެކޮޓަރީގެ އަދަދު ވަނީ ބޮޑުތަނުން އިތުރު ވެގެން ގޮސްފަ އެވެ. މިހާރު މި ޖަމިއްޔާއަކީ 170 އަށްވުރެ ގިނަ ސަފާރީ އޮޕަރޭޓަރުން ހިމެނޭ ބޮޑު ޖަމިއްޔާ އެކެވެ.
Advertisement
This content is created and paid for by advertisers and does not involve Voice Journalists
