ކޮންމެ ހުކުރު ދުވަހަކު ރާއްޖޭގެ މިސްކިތްތަކުގައި އިއްވާ ހުކުރު ޚުތުބާގެ ތަރުޖަމާ އެކި ބަސްބަހުން އޮންލައިންކޮށް ލިބޭނެ އިންތިޒާމުތައް ހަމަޖެއްސުމަށް އިސްލާމީ ކަންތައްތަކާ ބެހޭ ވުޒާރާއިން ނިންމައިފިއެވެ.
ޚުތުބާގެ ކަންކަމުގައި މިނިސްޓްރީގެ ސީނިއާ މެނޭޖްމަންޓާއެކު އޮތް ބައްދަލުވުމަކަށް ފަހު ހުކުރު ޚުޠުބާ އެކި ބަސްބަހުން ލިބޭނެ އިންތިޒާމުތައް ހަމަ ޖެއްސުމަށް ނިބްމާފައިވާކަމަށް އިސްލާމީ ކަންތައްތަކާ ބެހޭ ވުޒާރާގެ ވަޒީރު ޑރ. މުޙައްމަދު ޝަހީމް އަލީ ސައީދު ވިދާޅުވިއެވެ.
ވަޒީރު ޝަހީމް ވިދާޅުވިގޮތުގައި ، ރާއްޖޭގެ މިސްކިތްތަކުގައި ޚުޠުބާތައް ދިވެހި ބަހުން ކިޔާ ޚުތުބާތައްް އިނގިރޭސިން ސަބްޓައިޓަލް އަރާ ގޮތާއި އިޝާރާތުގެ ބަހުން ވެސް ޚުޠުބާ ލައިވްކޮށް ގެނެސްދެވޭތޯ މަސައްކަތް ކުރެވިގެންދާނެއެވެ.
އަދި ރާއްޖެގައި އުޅޭ ބިދޭސީ މަސައްކަތްތެެރިން އިޖްތިމާޢީ މަކާރިމުލްއަޚުލާޤަށް ހޭލުންތެރިކަން އިތުރުކުރުމަށް އެޤައުމުތަކުގެ އިދާރާތަކާ ގުޅިގެން ހޭލުންތެރިކުރުމުގެ ޕްރޮގްރާމްތައް ވެސް ފަށާނެ ކަމިގައިވެސް ވަޒީރު ވަނީ ވިދާޅުވެފައެވެ.
ރާއްޖޭގެ މިސްކިތްތަކުގައި ޚުޠުބާތައް ގެންދާނީ ދިވެހި ބަހުން. ޚުޠުބާގެ ތަރުޖަމާ އެހެން ބަސްބަހުން އޮންލައިންކޮށް ލިބޭނެ ގޮތް ހަދާނެ. އަދި ލައިވްކޮށް އިނގިރޭސިން ސަބްޓައިޓަލް އަރާ ގޮތައް ހަދާނެ. އިންޝާ الله. އިޝާރާތުގެ ބަހުން ވެސް ޚުޠުބާ ލައިވްކޮށް ގެނެސްދެވޭތޯ ބަލާނެ އިންޝާ الله.
ޑރ މުހައްމަދު ޝަހީމް އަލީ ސަޢީދު
މިނިސްޓަރު ޑރ. މުހައްމަދު ޝަހީމް ވަނީ މި މަހުގެ ފުރަތަމަ ދުވަހު ޕޯސްޓެއް ކުރައްވާ މާލޭގެ އެއް މިސްކިތެއްގައި އިނގިރޭސިން ހުތުބާ ދިނުމާމެދު އާންމުންގެ ހިޔާލަށް އެދިވަޑައިގެންފައެވެ. އެކަމާއި ގުޅިގެން ގިނަ ބަޔަކު ވަނީ އެކި ޚިޔާލު ފާޅުކުރައްވާފައެވެ.
Advertisement
This content is created and paid for by advertisers and does not involve Voice Journalists
