ދޮށީގެ މަސްވެރިކަމުގައި ހަރަކާތްތެރިވަނިކޮށް ހާލުދެރަވި މަސްވެރިއަކު އެމްއެންޑީއެފް ގެ އެހީތެރިކަމާއެކު ފަރުވާއަށް މާލެ ގެނެއްސިއެވެ.
އެމްއެންޑީއެފް އިން ބުނެފައިވާގޮތުގައި މާލެ އަތޮޅު "މާހާ ހަލު"ގައި މަސްވެރިކަން ކުރަމުންދިޔަ ކޯމަސް ކިޔާ ދޯންޏެއްގައި ހުރި ފަޅުވެރިއެއްގެ ޞީއްޙީ ހާލުދެރަވެ އެހީތެރިކަމަށް ބޭނުންވާ ކަމުގެ މަޢުލޫމާތު އެމްއެންޑީއެފް ކޯސްޓްގާޑް މެރިޓައިމް ރެސްކިޔު ކޯޑިނޭޝަން ސެންޓަރ (އެމްއާރުސީސީ) އަށް މިއަދުގެ 07:20 ހާއިރު ލިބިފައިވާ ކަމަށެވެ.
އަދި އެ މައުލޫމާތު ލިބުމާއެކު އެމްއެންޑީއެފް މާލެ އޭރިއާ ކޮމާންޑް، ކޯސްޓްގާޑު ސެކަންޑް ސްކޮޑްރަންގެ ހާބަރކްރާފްޓް 112 ލޯންޗު ވަނީ އެހީތެރިކަން ފޯރުކޮށްދިނުމުގެ ގޮތުން އެ ސަރަހައްދަށް ގޮސް، މިއަދު 09:22 ހާއިރު ހާލުދެރަވި ފަޅުވެރިޔާ މާލެ ގެނެސްދީފައިވާ ކަމަށް ވެސް ބުނެފައިވެއެވެ.
މަސްވެރިކަމަށް ނިކުމެއުޅުމުގެ ތެރޭގައި ދޭތެރެ ދޭތެރެއިން ތަފާތު އެކި ސިއްހީ ކުއްލި ހާލަތްތަކުގައި މަސްވެރިންނަށް ސިފައިން އަންނަނީ އެހީތެރިކަން ފޯރުކޮށްދެމުންނެވެ.
Advertisement
This content is created and paid for by advertisers and does not involve Voice Journalists
