މި ފާއިތުވި ދެ ދުވަހު އައްޑޫ ސިޓީގައި ހިނގި ނުރައްކާތެރި ދެ މާރާމާރީއާއި ގުޅުން ހުރި އިތުރު ދެ މީހަކު އައްޑޫ ސިޓީން ހައްޔަރުކޮށްފިއެވެ.
ފުލުހުން ވިދާޅުވީ މިދިޔަ ހުކުރު ދުވަހު އައްޑޫ ސިޓީގައި ހިނގި މާރާ މާރީއާއި ގުޅުން ހުރި 23 އަހަރުގެ ފިރިހެނަކާއި އާދިއްތަ ދުވަހު ހިނގި މާރާމާރީއާއި ގުޅުން ހުރި 22 އަހަރުގެ ފިރިހެނެއް ކޯޓު އަމުރުގެ ދަށުން ހައްޔަރު ކޮށްފައިވާކަމަށެވެ.
ހުކުރު ދުވަހުގެ ރޭ މާރާމާރީއެއް ހިނގާ މީހަކު ޒަހަމްކޮށްލާފައި ވެއެވެ. އެ މާރާމާރީގައި ޒަހަމްވެފައި ވަނީ 30 އަހަރުގެ ދިވެހި ފިރިހެނަކަށެވެ. އޭނާގެ ހާލު ސީރިއަސް ކަަމަށް މައުލޫމާތު ލިބޭއިރު، މިހާރު އޭނާ ވަނީ މާލެ ގެނެސްފައެވެ. އެ މައްސަލައިގައި މީގެ ކުރިން ހަތަރު މީހުން ހައްޔަރުކޮށް އެ މީހުންގެ ބަންދަށް މުއްދަތު ވަނީ ކޯޓުން ޖަހާފައެވެ.
އާދިއްތަ ދުވަހު ހިނގި މާރާމާރީއަކީވެސް ގްރޫޕެއްގެ ދެމެދުގައި ހިނގި މާރާމާރީއެކެވެ. އާދިއްތަ ދުވަހު 3:30 ގައި މި މާރާމާރީ ހިނގާފައިވާއިރު، މި މާރާމާރީގައި އަނިޔާވެފައި ވަނީ 20 އަހަރުގެ ދިވެހި ޒުވާނަކަށް ކަމަށް ފުލުހުން ވަނީ ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
