ޔަމަނުގެ ހޫތީން ގެ ޖަމާޢަތުން ހަތިޔާރު އެޅި ޑްރޯނަކާއި ކަނޑުގެ ސިފައިންގެ މިސައިލެއް ބޭނުންކޮށްގެން ރަތް ކަނޑުން ދަތުރު ކުރަމުން ދިޔަ އިސްރާއީލުގެ ދެ ބޯޓަކަށް އަމާޒުކޮށް ހަމަލާ ދީފިއެވެ.
ޔުނިޓީ އެކްސްޕްލޯރަރާއި ނަމްބަރ ނައިން ކިޔާ ދެ ބޯޓަށް ހަމަލާ އަމާޒުކޮށްފައި ވަނީ އެ ދެ ބޯޓުން ކަނޑުގެ ސިފައިންގެ އިންޒާރުތަކަށް ދެކޮޅު ހެދުމުން ކަމަށް ރޮއިޓާސް ނިއުސް އެޖެންސީން ވަނީ ރިޕޯޓްކޮށްފަ އެވެ.
އިނގިރޭސި މެރިޓައިމް ސެކިއުރިޓީ ކުންފުނި އެމްބްރޭ ބުނީ ބަލްކް ކެރިއާ ބޯޓެއް ރަތް ކަނޑުގައި ދަތުރުކުރަމުން ދަނިކޮށް މަދުވެގެން ދެ ޑްރޯން އެއަށް ހަމަލާ ދީފައިވާ ކަމަށެވެ. އަދި ޔަމަނުގެ އުތުރުގެ ބަނދަރު ހުދައިދާގެ ހުޅަނގު އުތުރުން ގާތްގަނޑަކަށް 101 ކިލޯމީޓަރު (63 މޭލު) ދުރުގައި ދިން ޑްރޯން ހަމަލާއެއްގައި އިސްރާއީލާއި ގުޅުން ހުރި އިތުރު ކޮންޓެއިނަރު އުފުލާ ބޯޓަކަށް ގެއްލުން ލިބިފައިވާ ކަމަށްވެސް ރިޕޯޓްތައް ބުނެ އެވެ.
މީގެ އިތުރުންވެސް އެމެރިކާގެ ހަނގުރާމަ މަނަވަރަކާއި އެތައް ވިޔަފާރި ބޯޓުތަކަކަށް ވެސް ރަތް ކަނޑުގައި ހަމަލާތަކެއް ވަނީ އަމާޒުވެފައެވެ.
އޮކްޓޯބަރު ހަތް ވަނަ ދުވަހު ހައްދު ފަހަނަ އަޅާފައިވާ އިސްރާއީލުން ޣައްޒާއަށް ހަމަލާ ދޭން ފެށި ފަހުން ކަނޑުގެ ސިލްސިލާ ހަމަލާތައް ބޮޑުތަނުން އިތުރުވެދާނެ ކަމަށް އެމެރިކާގެ ޑިފެންސް ޑިޕާޓްމެންޓް ކަަމަށް ވާ ޕެންޓަގަން އިން ވަނީ ލަފާ ކޮށްފައެވެ.
ހޫތީންގެ ޖަމާޢަތުން އަންނަނީ ޑްރޯންތަކާއި މިސައިލްތައް ބޭނުންކޮށްގެން އަނިޔާވެރި އިސްރާއީލަށް ހަމަލާތައް އަމާޒު ކުރަމުންނެވެ. މިގޮތުން މިދިޔަ މަހު ޔަމަނުގެ ކަނޑުގެ ރަތް ކަނޑުގައި އިސްރާއީލާ ގުޅިފައިވާ ވެހިކަލް ޓްރާންސްޕޯޓް ބޯޓެއް ހޫތީން ވަނީ އަތުލައިގެންފަ އެވެ.
Advertisement
This content is created and paid for by advertisers and does not involve Voice Journalists
