ސިޔާސީ ނޫން ވަޒީފާތަކުން އާންމު ވަކި ނުކުރައްވާނެ ކަމަށް ވިދާޅުވެ ރައީސުލްޖުމްހޫރިއްޔާ ޑރ. މުހައްމަދު މުއިއްޒު ރިޔާސީ ކެމްޕޭނުގައި ވެވަޑައިގެންނެވި ވައުދާ ޚިލާފަށް ފެނަކަ ކޯޕަރޭޝަނުން މުވައްޒަފުން ވަކިކުރަމުން ގެންދާ ކަމަށް ބުނެ މަޖިލީހަށް ކުއްލި މައްސަލައެއް ހުށަހަޅައިފި އެވެ.
މި މައްސަލަ ހުށަހަޅުއްވާފައި ވަނީ، ފުވައްމުލަކު މެދު ދާއިރާގެ މެންބަރު ޙުސައިން މުޙައްމަދުދީދީ އެވެ.
މައްސަލަ ހުށަހަޅުއްވަމުން ހުސެއިން ވިދާޅުވީ، ރަށްރަށުގައި ގިނަ އަސާސީ ހިދުމަތްތަކެއް ދެމުން އަންނަ ފެނަކައިގެ މުވައްޒަފުން، ރައީސް މުޢިއްޒުގެ އެންގެވުމަށް ވަޒީފާއިން ވަކިކުރަމުންދާ ކަމަށެވެ.
އަދި އެކަން ސަރުކާރުން ކުރަމުންދަނީ، އަނިޔާވެރި ކަމާއި ބޭއިންސާފުން، ބަދަލުހިފުމުގެ ރޫހެއްގައި ކަމަށް ވިދާޅުވެ އެ އަމަލު މިހިނދުން މިހިނދަށް ހުއްޓާލުމަށް އޭނާ ވަނީ ގޮވާލާފައެވެ.
މި މައްސަލަ މަޖިލީހަށް ހާޒިވެރުވެވަޑައިގެންނެވި މެންބަރުންގެ ތެރެއިން ވޯޓުގައި ބައިވެރިވަޑައިގެންނެވި 33 މެންބަރުންގެ ވޯޓާއެކު މަޖިލީހަށް ބަލައިގަނެ މައްސަލައިގެ ބަހުސް ވަނީ ފަށާފައެވެ.
އެގޮތުން މައްސަލައަށް ބަހުސް ކުރައްވަމުން މައްސަލަ ހުށަހެޅުއްވި މެންބަރު ހުސައިން ވަނީ އެ ބޭފުޅާ ތަމްސީލު ކުރައްވާ ދާއިރާއިންވެސް ގިނަ މުވައްޒަފުން ވަޒީފާއިން ކަނޑާލާފައިވާ ކަން ޚަބަރު ތަކުން ފެނިފައިވާ ކަން ފާހަގަކުރައްވާފައެވެ.
"އަޅުގަނޑުގެ ދާއިރާ ފުވައްމުލަކުގަ ވެސް އަޅުގަނޑަށް ނޫހުން ފެނުނު 59 މުވައްޒަފުން ވަޒީފާއިން ވަކިކުރި މައްސަލަ، އެއީ ވަރަށް އާދައިގެ ކުޑަކުޑަ މުސާރަކޮޅެއް ލިބޭ މުވައްޒަފުން ކޮޅެއް"
ފުވައްމުލަކު މެދު ދާއިރާގެ މެންބަރު ޙުސައިން މުޙައްމަދުދީދީ
މެންބަރު ހުސައިން ވިދާޅުވީ މިހާރު ފެންނަމުންދަނީ ރައީސް މުއިއްޒުއަށް ވެރިކަން ކާމިޔާބު ކޮށްދެއްވުމަށް މަސައްކަތް ކުރެއްވި ފަރާތްތަކާއި އެފަރާތްތަކުގެ ޢާއިލާ ތަކަށް ވަޒީފާ ދެއްވައި، އާދައިގެ، ކުޑަ މުސާރު ލިބޭ އާންމު ރައްޔިތުން ވަޒީފާއިން ވަކިކުރަމުންދާ މަންޒަރު ކަމަށެވެ.
ހުސައިން މިފަދައިން ވިދާޅުވެފައި ވާއިރު، ނިމިދިޔަ ރިޔާސީ އިންތިޚާބުގެ ތެރެއިން ފެނަކައަަށް ގިނަ އަދަދެއްގެ މުވައްޒަފުންތަކެއް ނަގާފައިވާ އިރު، އެ މުވައްޒަފުން ވަޒީފާއިން ވަކި ނުކުރައްވާނެ ކަމަށް ރައީސް މުޢިއްޒު ވަނީ ވިދާޅުވެފަ އެވެ.
Advertisement
This content is created and paid for by advertisers and does not involve Voice Journalists
