އިޒްރާއިލްގެ ޔަހޫދީން ފަލަސްޠީނުގެ ޣައްޒާއަށް ދެމުންދާ ހަމަލާތަކުގެ ސަބަބުން މިހާތަނަށް ޣައްޒާގެ މީހުން ދިރިއުޅޭ ތަނެއް ހަލާކުވެއްޖެއެވެ.

އަލްޖަޒީރާގައި ބުނެފައިވަނީ އިޒްރާއިލްގެ ހަމަލަތަކުގެ ސަބަބުން ޣައްޒާގެ މީހުން ދިރިއުޅޭ ތިން ލައްކައަށްވުރެ ގިނަ ތަނެއް ހަލާކުވެފައި ކަމަށެވެ. އަދި އެއީ ޣަައްޒާގެ މީހުން ދިރިއުޅޭ ތަންތަނުގެ 60 އިންސައްތަ ކަމަށެވެ.

އިޒްރާއިލްގެ ހަމަލާތަކުގެ ސަބަބުން ޣައްޒާއަށް ޢުމްރާނީ ބޮޑެތި ގެއްލުންތަކެއް ލިބިފައިވާ ކަމަށެވެ.

Advertisement

އެގޮތުިން ޣައްޒާގެ 167 އަޅުކަން ކުރުމަށް ބޭނުންކުރާ ޢިމާރާތެއް ހަލާކުވެފައިވާ ކަމަށާއި 11 ބޭކަރީ އެއް ހަލާކުވެފައިވާ ކަމަށެވެ.

މީގެ އިތުރުން ތަޢުލީމު ދިނުމަށް ބޭނުންކުރާ 339 ޢިމާރާތަކަށް ވަނީ ގެއްލުންދީފައި ކަމަށެވެ. 35 ހޮސްޕިޓަލަކަށް ހަލާކުވެ ގެއްލުންވެފައިވާ ކަމަށެވެ.

މީގެ އިތުރުން 87 އެމްބިޔުލާންސް އަކަށް ގެއްލުން ވެފައިވާކަމަށްވެސް އަލްޖަޒީރާގައި ބުނެފައިވެއެވެ.

އިޒްރާއިލްގެ ހަމަލާތަކުގެ ސަބަބުން މިހާތަނަށް ޣައްޒާގެ 15،899 މީހަކު ވަނީ ޝަހީދުވެފައެވެ. 7 ދުވަހުގެ މެދުކެނޑުމަކަށްފަހު އިޒްރާއިލުން ވަނީ އަނެއްކާވެސް ޣައްޒާގެ އާންމުން އުޅޭ ސަރަހައްދުތަކަށް ހަމަލާދޭން ފަށައިފައެވެ.