ދަރިމައިވުމުގެ ފަރުވާއާއި ގުޅުންހުރި ޚިދުމަތްތައް އާސަންދައިގެ ދަށުން ލިބޭނެ އިންތިޒާމުތައް ހަމަޖެއްސުމަށް ނިންމާފައިވާކަމުގައި ރައީސުލްޖުމްހޫރިއްޔާ ޑރ މުހައްމަދު މުއިއްޒު އިއުލާނު ކުރައްވައިފިއެވެ.
ރައީސުލްޖުމްހޫރިއްޔާގެ އޮފީހުގައި މިއަދު ކުރިއަށް ދިޔަ ނޫސްވެރިންގެ ބައްދަލުވުމުގައި ވާހަަކަ ދައްކަވަމުން ރައީސުލް ޖުމްހޫރިއްޔާ ޑރ މުހައްމަދު މުއިއްޒު ވިދާޅުވީ, އާސަންދައިން ދަރިމައިވުމުގެ ފަރުވާގެ ޚިދުމަތްތައް ލިބޭ ގޮތަށް ހަދަން މިއަދު ވަޒީރުންގެ މަޖިލީހުން ނިންމަވާފައިވާ ކަމަށެވެ.
އެގޮތުން ރާއްޖެއާއި ރާއްޖެއިން ބޭރުން ވެސް މި ޚިދުމަތް އާސަންދަ މެދުވެރިކޮށް ލިބޭނެކަން ފާހަގަކުރައްވައި ރައީސް ވިދާޅުވީ އެ ޚިދުނަތާ އިތުރަށް ފުޅާކުރުމަށްޓަކައި އައިޖީއެމްއެޗުގައި ހުންނަ ފާޓިލިޓީ ސެންޓަރު ވެސް އިތުރަށް ތަރައްގީ ކުރެވިގެންދާނެ ކަމަށެވެ.
"މި ޚިދުމަތް ދިނުމަށް ރާއްޖޭގައި ޚިދުމަތްދޭ ހޮސްޕިޓަލުތަކުންނާއި ރާއްޖެއިން ބޭރުން ޚިދުމަތް ލިބޭނެ މަރުކަޒުތައް ކަނޑައެޅޭނެ"
ރައީސް ޑރ މުހައްމަދު މުއިއްޒު
މީގެ އިތުރުން ރައީސް ޑރ. މުޢިއްޒު ވަނީ ފާޓިލިޓީ ޚިދުމަތްތައް ފުޅާކުރުމަށް އަންނަ އަހަރު ބަޖެޓްގައި 30 މިލިޔަން ރުފިޔާގެ ފާޓިލިޓީ ފަންޑެއް ހިމަނާފައިވާނެ ކަމުގައި ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
