ރާއްޖޭގެ އެކި ސަރަހައްދުތަކުގައި އިމާރާތް ކޮށްފައިވާ ހައުސިން ޔުނިޓްތަކަށް ކުލި ނުދެއްކިގެން އަރާފައިވާ ޖޫރިމަނާތައް މާފުކޮށްދެއްވާނެ ކަމުގައި ރައީސް, ޑރ. މުހައްމަދު މުއިއްޒު ވިދާޅުވެއްޖެއެވެ.
އެގޮތުން ކުލި ނުދެއްކިގެން ޖޫރިމަނާ އަރާފައިވާ ހުރިހާ ފަރާތްތަކުގެ ޖޫރިމަނާ މާދުކޮށްދެއްވާނެ ކަމަށާއި އެއީ ސަރުކާރުގެ ވައުދެއް ކަން ފާހަގަ ކުރައްވައި އެކަން ތަންފީޒު ކުރައްވާނެ ކަމުގައި މިއަދު ރައީސް އޮފީހުގައި ކުރިއަށްދިޔަ ނޫސްވެރިންގެ ބައްދަލުވުމެއްގައި ރައީސް ޑރ މުއިއްޒު ވަނީ ވިދާޅުވެފައެވެ.
އެގޮތުން އެއްވެސް ތަނެއްގައި އެގްރީމެންޓެއްގެ ދަށުން ލިބިފައިވާ ފްލެޓެއްގެ ކުލި ނުދެއްކި އަރާފައިވާ ހުރިހާ ޖޫރިަމާއެއް މައާފުކޮށްދެއްވާނެ ކަމުގައި ރައީސް ވަނީ ވިދާޅުވެފައެވެ.
އެއީ ހުޅުމާލޭ, މާލެ, ވިލިމާލެ އަދި ރާއްޖޭގެ އެއްވެސް ތަނެއްގަ ހެދިފަ އޮތް އެގްރީމެންޓެއްގެ ތެރެއިން ލިބިފައިވާ އެއްވެސް ސޯޝަލް ހައުސިން ޔުނިޓެއްގެ ކުލި ނުދެއްކިގެން ޖޫރިމަނާއެއް އަރާފައިވާނަމަ, ޖޫރިމަނާ މާފުކޮށްދޭނަން
ރައީސުލްޖުމްހޫރިއްޔާ ޑރ މުހައްމަދު މުއިއްޒު
މީގެ އިތުރުން ރައީސް ވިދާޅުވީ، ކުލީގެ ނުދެއްކި ބާކީ ހުރި އަދަދުތައް އެގްރީމެންޓް ހެދިފައިވާ ފަރާތަކާއި މަޝްވަރާ ކުރެވިގެން މަހުން މަހަށް ބަހާލައިގެން ދެއްކޭ ގޮތަށް ލުއި ނިޒާމެއް ގާއިމު ކޮށްދެއްވާނެކަމުގައެވެ.
އެއީ ކަންނޭނގޭ ދެވޭނެ އެންމެ ބޮޑު ލުއިއަކަށްވާނީ ޖޫރިމަނާ އެއް ނޯންނާނެ. އެއީ އަޅުގަނޑު ހިތުން އެންމެ ބޮޑު ލުޔަކަށް ދެވޭނެ ކަމަކީ. އަދި ވަރަށް ބޮޑު އެމައުންޓެއް ޕެންޑިންގަ އޮވެއްޖެއްޔާ އެވެސް މަހުން މަހަށް ދެއްކޭނެ ގޮތަކަށް އާ އެގްރީމެންޓެއް ހެދޭ ގޮތް ހަދައިދޭނަން
ޑ ރައީސުލްޖުމްހޫރިއްޔާ ޑރ މުހައްމަދު މުއިއްޒު
ކުލި ނުދެއްކިގެން އަރާފައިވާ ޖޫރިމަނާތައް މާފުކޮށްދޭން ރައީސް ވިދާޅުވެފައިވާއިރު, ހިޔާ ފްލެޓްތަކާއި ވިނަރެސް ފްލެޓްތަކުގެ އިތުރުން ވެސް ރަށްތަކުގައި އިމާރާތް ކޮށްފައިވާ ހައުސިން ޔުނިޓްތަކަށް މަހުން މަހަށް ދައްކާ ކުލި ވެސް މިއަދު ރައީސް ވަނީ ކުޑަކުރިންކަން އިއުލާނު ކުރައްވާފައެވެ.
އެގޮތުން އަތޮޅުތެރޭގެ ރަށްރަށުގައި ގާއިމްކޮށްފައިވާ ހައުސިންގް ޔުނިޓްތަކުގެ އަގު 5000ރ ން 3330 ރ ން ކުޑަކުރުމަށް ނިންމާފައިވާކަމުގައި މިއަދު ރައީސް ޑރ މުހައްމަދު މުޢިއްޒު ވަނީ އިއުލާނުކުރައްވައިފައެވެ.
Advertisement
This content is created and paid for by advertisers and does not involve Voice Journalists
