ރައްޔިތުން މަޖިލީހުގެ ޤައުމީ ތަރައްޤީ އާއި ތަރިކަ ކޮމިޓީއަށް ދަ ޑިމޮކްރެޓްސްގެ ފަރާތުން ރައްޔިތުންގެ މަޖިލިހުގެ ރައީސްކަން ކުރިން ކުރެއްވި، މައްޗަން ގޯޅި މެދު ދާއިރާގެ މެންބަރު އަދި ކުރީގެ ރައީސް މުހައްމަދު ނަޝީދު ހަމަޖައްސައިފިއެވެ.
ބައެއް ކޮމިޓީތަކުގަ އޕާޓީތައް ތަމްސީލު ކުރައްވާ މެމްބަރުންނަށް ސިޔާސީ ޕާޓީތަކުން ބަދަލު ގެންނަވާކަން ރައްޔިތުންގެ މަިޖިލުގެ މިއަދުގެ ޖަލްސާގައި ރައްޔިތުންގެ މަޖިލިހުގެ ރައީސް މުހައްމަދު އަސްލަމްވަނީ މިއަދުގެ ޖަލްސާ ފައްޓަވަމުން ވިދާޅުވެފައެވެ.
މަޖިލީހުގެ ކޮމިޓީތަކަށް އައި ބަދަލުތައް މިއަދުގެ ޖަލްސާގައި މަޖިލީހުގެ ރައީސް އަސްލަމް ވަނީ އިއުކާނުކުރައްވައިފައެވެ.
އެގޮތުން އިޖްތިމާއީ ކޮމިޓީގައި ދަ ޑިމޮކްރެޓްސްގެ ފަރާތުން ހިމެނިވަޑައިގަންނަވާ ހުޅުދޫ ދާއިރާގެ މެންބަރު އިލްޔާސް ލަބީބްގެ ބަދަލުގައި މާފަންނު މެދު ދާއިރާގެ މެންބަރު އިބްރާހިމް ރަޝީދު ހަމަޖައްސާފައިވާކަން އިއުލާނުކުރެއްވި އިރު، ޤައުމީ ތަރައްޤީ އާއި ތަރިކަ ކޮމިޓީގައި ޑިމޮކްރެޓްސްގެ ފަރާތުން ހިމެނިވަޑައިގެންނެވި މާފަންނު މެދު ދާއިރާގެ މެންބަރު އިބްރާހިމް ރަޝީދުގެ ބަދަލުގައި މައްޗަން ގޯޅި މެދު ދާއިރާގެ މެންބަރު ކުރީގެ ރައީސް މުހައްމަދު ނަޝީދު ހަމަޖައްސަވާފައިވާކަމަށް ވެސް މަޖިލީހުގެ ރައީސް އަސްލަމް ވަނީ ވިދާޅުވެފައެވެ.
ރައްޔިތުންގެ މަޖިިލިހުގެ ރައީސްކަން ކުރެއްވި މުހައްމަދު ނަޝީދުގެ އިތުބާރު ނެތްކަމުގެ މައްސަލަ މަޖިލިހުގައި ތަވަލުކޮށްފައި ވަނިކޮށް އެމަނިކުފާނު ވަނީ އެ މަގާމުން އަމިއްލަފުޅަށް އިސްތިއުފާ ދެއްވައިފައެވެ.
Advertisement
This content is created and paid for by advertisers and does not involve Voice Journalists
