ފަލަސްޠީނުގެ ޣައްޒާގެ އަލްޖަބަލިއްޔާ އޭ ކިޔުނު ސަރަހައްދުގައި ހުންނަ ކަމަލް އަދްވާނީ ހޮސްޕިޓަލް ގައި ޚިދްމަތަށް އެދޭ މީހުން ފުނި ޖެހިފައިވާ ކަމަށް ބުނެފިއެެވެ.

ކަމަލް އަދްވާނީ ހޮސްޕިޓަލަކީ ޖަބަލިއްޔާ އަށް ދެމުންދާ ހަމަލާތަކުގެ ސަބަބުން ގިނަ ބަޔަކު ވަގުތީ ގޮތުން ބޯހިޔާވަހިކަން ހޯދަމުންދިޔަ ތަނެކެވެ.

އެންމެ ފުރަތަމަ އިޒްރާއިލް ސިފައިން ކަނޑާލީ އެހޮސްޕިޓަލުގެ ފެނާއި ކަރަންޓު ކަނޑާލިއެެވެެ. ޖަބަލިއްޔާގައި ކަމަލް އަދްވާނީ ހޮސްޕިޓަލް ހުންނަ ސަރަހައްދު ކައިރިއަށް ދިން ހަމަލާއެއްގައި 100 އެއްހާ މީހުން ވަނީ ޝަހީދުވެފައެވެެ. މިކަމުގެ ސަބަބުން އދ.ން މަސައްކަތް ކުރަމުންދަނީ އެހޮސްޕިޓަލް ހުސްކުރުމަށް މަަސައްކަތް ކުރަމުންނެވެ.

ޣައްޒާގައި ހަރަކާތްތެރިވާ އަލްޖަޒީރާގެ ޓީމުންވަނީ ކަމަލް އަދްވާނީ ހޮސްޕިޓަލަށް ޒިޔާރަތްކޮށްފައެވެެ. އެޓީމުން އަލްޖަޒީރާގައި ރިޕޯޓް ކޮށްފައިވަނީ އެހޮސްޕިޓަލްގައި ޒަޚަމްވެފައިވާ މީހުން، ޚިދްމަތަށް އެދި ފުނިޖެހިފައިވާ ކަމަށެވެ. އަދި އެތަނުގެ މެޑިކަލް މުވައްޒަފުންނަށް ނުކުޅެދޭވަރަށް އެތަނުގައި ބަލިމީހުން ވަނީ ގިނަވެފައެވެ.

“ގިނަ ބަޔަކު މަރުވާން ދޫކޮށްލަން ޖެހިފައިމިވަނީ، ފަރުވާދޭން ބޭނުންކުރާނެ މެޑިކަލް ސަޕްލައި މިވަނީ ހުސްވެފައި، އަދި މެޑިކަލް ސްޓާފުންވެސް ވަނީ މަދުވެފައި، މިއީ ހަޤީޤަތް، އިއްެޔެ އެކަނިވެސް ހޮސްޕިޓަލުން 36 މީހަކު ވަނީ ފަަރުވާ ނުދެވިގެން ޝަހީދުވެފަ، އޭގެ ކުރީ ދުވަހު 56 ޕޭޝަންޓުން ވަނީ ޝަހީދުވެފަ، މިޢަދަދުތައް ދަނީ މައްޗަށް” ހޮސްޕިޓަލުން ވާހަކަ ދެއްކެވި ޑރ މުޙައްމަދު ވިދާޅުވިއެވެ.

ޚިދްމަތަށް ބޭނުންވާ މީހުން ކިތަންމެ ގިނަ ވެފައިވީ ނަމަވެސް ޚިދްމަތް ދެވޭނެ ގޮޮތް ނެތި މެޑިކަލް އޮފިސަރުންނަށް މިއަދު ވަނީ އަތް އުރާލައިގެން ތިބެން ޖެހިފައެވެ. ބޭހާއި އެހެނިހެން ވަސީލަތްތައް ނެތުމުގެ ސަބަބުން ފަރުވާ ދެވޭނެ ގޮތް ވަނީ ނެތިފައެވެ.

އިޒްރާއިލް ސިފައިންގެ ހަމަލާތަކުގެ ސަބަބުން މިހާތަނަށް ޣައްޒާއިން 16،000 އަށް ވުރެ ގިނަ މީހުން ވަނީ ޝަހީދުވެފައެވެ.