އައިއޭސީން ޣައްޒާގެ ރައްޔިތުންނަށް ފުޑް ޕެކޭޖް ބަހައިފި
އިންޓަނޭޝަނަލް އެއިޑް ކެމްޕެއިން (އައިއޭސީ) އިން ޣައްޒާގެ ހާލުގައި ޖެހިފައިވާ ރައްޔިތުންނަށް 1200 ފުޑް ޕެކޭޖް ބަހައިފިއެވެ.
މިކަމާއި ބެހޭގޮތުން އައިއޭސީން ބުނީ އެ ސިޓީގައި ދިރިއުޅޭ 200 އާއިލާއަކަށް އަދި 4 ސުކޫލެއްގައި ހިމާޔަތް ހޯދަމުންދާ 1700 އާއިލާއަކަށް އެހީ ފޯރު ކޮށްދިނުމުގެ މަސައްކަތް ކުރަމުން އަންނަކަމަށެވެ.
"ޣައްޒާގެ ރައްޔިތުންނަށް މި ދެވޭ އެހީ ތަކަކީ އަޅުގަނޑުމެން ބޭނުން އެއްޗެއް ދޭ ގޮތަށް ދެވޭ އެހީއެއް ނޫން.އެމީހުން ކައިރިއަށް އަޅުގަނޑުމެންގެ ޓީމް ގޮސް, ހާލު އަހާ, ބޭނުންވާ ކަންކަން އޮޅުން ފިލުވުމަށްފަހު އޭގެ މައްޗަށް ބިނާކޮށް ދެވޭ އެހީތަކެއް."
އައިއޭސީން ބުންޏެވެ.
މީގެ އިތުރުންވެސް ދާދި ފަހުން އައިއޭސީން ވަނީ ޣައްޒާގެ 100 އާއިލާއަކަށް 500 ޑޮލަރުގެ މަގުން ފައިސާ ހަދިޔާ ކޮށްފައެވެ.މި ފައިސާ ހަދިޔާ ކުރެވިފައިވަނީ ޣައްޒާގެ ދެއިރް އަލް ބަލަޙް ސިޓީގެ ޢާއިލާތަކަށެވެ.
ދެއިރް އަލް ބަލަޙް ސިޓީގެ ބައެއް މާރުކޭޓް ތަކާއި ބައެއް ވިޔަފާރިތައް ހުޅުވައިފައި ހުރުމުގެ ސަބަބުން ފައިސާއިން އެ ސަރަހައްދުގައި ދިރިއުޅޭ ޣައްޒާގެ ރައްޔިތުންނަށް ވަރަށް ބޮޑު ފަސޭހައަކަށް ވެގެންދާނެ ކަމަށް އައިއޭސީން ބުނެފައި ވެއެވެ.
ހައްދުފަހަނަ އަޅާފައިވާ އިޒްރާއިލުން ފަލަސްޠީނަށް ދެމުންދާ ހަމަލާތަކުގެ ސަބަބުން ހާލުގައި ޖެހިފައިވާ ޣައްޒާގެ ރައްޔިތުންނަށް އެކި ދިމަދިމާއިން އެހީ ފޯރު ކޮށްދިނުމުގެ މަސައްކަތް އައިއޭސީ އިން ދަނީ ކުރަމުންނެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
