Centro mallgai kuhjakah hamalaadheefaiveythw fulhun balanee!

ސެންޓްރޯ މޯލްގައި ކުއްޖަކަށް ހަމަލާދީފައިވޭތޯ ފުލުހުން ބަލަނީ!

10 Dec 2023 | 12:22

ދިވެހި ފުލުހުންގެ މައިމަރުކަޒު. ފޮޓޯ: ވޮއިސް

ހުޅުމާލެ ސެންޓްރޯ މޯލްގައި ފުރާވަރުގެ ކުއްޖަކަށް ތޫނު އެއްޗަކުން ހަމަލާދީފައިވޭތީ ބަލަމުން ދާކަމަށް ދިވެހި ފުލުހުންގެ ޚިދްމަތުން ބުނެފިއެވެ.

މިފަދަ ހާދިސާއެއް ހިނގައި އުޅޭ ކަމުގެ އަޑުތައް ފެތުރިފައިވަނީ ރޭގެ ވަގުތެއްގައެެވެ.

މިކަމާއި ގުޅިގެން ފުލުހުން ނެރެފައިވާ ބަޔާނެއްގައި ބުނެފައިވަނީ އެފަދަ ޚަބަރެއް ފެތުރިފައި ވާތީ އެކަން ހިނގާފައިވޭތޯ ބެލުމަށް، އެކަން ހިނގި ކަމަށް ބުނާ ތަނާއި ސަރަހައްދު ބަލައި އެކަން ހިނގި ގޮތުގެ މަންޒަރު ފެނުނު މީހަކު ހުރިތޯ މީހުންނާއި ސުވާލުވެސް ކޮށްފައިވާ ކަމަށެވެ.

އަދި، އެ އުމުރުގެ ކުއްޖަކު ފަރުވާ ހޯދަން ހޮސްޕިޓަލްތަކާއި ކްލިނިކުތައް ބެލުމުގެ މަސައްކަތް ކުރަމުން އަންނަ ކަމަށާއި އެ ސަރަހައްދުން ލިބެން ހުރި ސީސީޓީވީ ފުޓޭޖް ބެލުމުގެ މަސައްކަތް ވެސް ކުރަމުން އަންނަ ކަމަށް ފުލުހުން ވަނީ ބުނެފައެވެ.

ފުލުހުން ވަނީ މިކަމާ ގުޅޭ އެއްވެސް މައުލޫމާތެއް ލިބިފައިވާނަމަ ފުލުހުންގެ ނަންބަރު 3322111 އަށް ގުޅައި ހިއްސާކުރުމަށް އެދިފަ އެވެ.

މާލޭ ގައި އައްޑޫ ސިޓީގައި މިފާއިތުވި ހަފްތާގައި ވަނީ މާރާމާރީ ތަކެއް ހިންގައިފައެވެ.

ހަބަރު

ދިވެހި ފުލުހުންގެ ހިދުމަތް