“ޣައްޒާއިން ދެކެމުންދަނީ އަދި ދުވަހަކުވެސް ދުނިޔެ ދެކެފައިނުވާ ފަދަ އިންސާނީ ކާރިސާއެއް”
ޣައްޒާއިން ދެކެމުންދަނީ އަދި ދުވަހަކުވެސް ދުނިޔެ ދެކެފައިނުވާ ފަދަ އިންސާނީ ކާރިސާއެއް ކަމަށް ޤަޠަރުގެ ބޮޑުވަޒީރު ޝައިޚް މުޙައްމަދު ބިން ޢަބްދުރަޙްމާން އަލްޘާނީ ވިދާޅުވެއްޖެއެވެ.
ޝައިޙް މުޙައްމަދު މިފަދައިން ވިދާޅުވެފައި ވަނީ މިހާރު ކުރިއަށްދާ ދޯހާ ފޯރަމްގައި ވާހަކަ ފުޅު ދައްކަވަމުންނެވެ.
ޝައިޙް މުޙައްމަދު ދޯހާ ފޯރަމް ގައި ވާހަކަފުޅު ދައްކަވަމުން ވިދާޅުވީ މިހާރު ޣައްޒާގެ މިހާރުގެ ޙާލަތު ފެެނުމުން ބައިނަލް އަޤްވާމީ ގޮތުން އުފެދިފައިވާ ބާރު ތަކުގެ ބޭނުމަކީ ކޮބައިތޯ އާއި އެ ބާރުތަކުން އުފައްދައިފައިވާ ޤަވާއިދު ތަކާއި މެދު ސުވާލު އުފެދޭ ކަމަށެވެ.
އަދި މި އެކަންކަމާއި ގުޅޭ ގޮތުން އުފެދޭ ސުވާލުތައް ތަކުރާރުވަނީ ޣައްޒާ އިން މިހާރު ފެންނަމުންދާ ބިރުވެރި މަންޒަރުތަކުގެ ސަބަބުން ކަމަށެވެ.
ޤަޠަރުގެ ބޮޑުވަޒީރު އިތުރަށް ވިދާޅުވީ ހިނގަމުންދާ ހަމަލާ ބަދަލު ކުރުންތައް ހުއްޓުވަން މަސައްކަތް ކުރާ ފަރާތް ތަކާއި އެކު ތެދުވުމަކީ ވަރަށް މުހިންމު ކަމެއް ކަމަށެވެ.
ޤަޠަރުގެ ބޮޑުވަޒީރު އިތުރަށް ވިދާޅުވީ ހަނގުރާމަ ހުއްޓާލުމަށް ހަނގުރާމައިގެ ދެ ބައިވެރިންނަށް ވެސް އިތުރަށް ޕްރެޝަރު ކުރަމުން ގެންދާނެ ކަމަށެވެ. ޣައްޒާ ހަނގުރާމައިގައި ގެނައި ހަތް ދުވަހުގެ މެދުކަނޑާލުމަށް މަގު ފަހިކުުރުވުމަށް މެދިވެރިއަކަށް ވީ ޤަޠަރެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
