އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާގެ ނާއިބަކަށް، ނޫސްވެރިކަމުގެ ދާއިރާގައި މަސައްކަތް ކުރައްވަމުން އަންނަ މަރިޔަމް ލަހުފާ ޚަލީލު ޢައްޔަނު ކުރައްވައިފި އެވެ. 

އިޖުތިމާއީ ތަރައްގީއާއި ބެހޭ ވުޒާރާ ނުވަތަ ކުރީގެ ޖެންޑާ މިނިސްޓްރީއަކީ ލަހުފާ އެންމެ ފުރަތަމަ ވަޒީފާ އަދާކުރެއްވި އޮފީހެވެ.

އެޑްމިނިސްޓްރޭޓިވް އޮފިސަރެއްގެ ގޮތުގައި 2016 ވަނަ އަހަރުން ފެށިގެން އެތަނުގައި މަސައްކަތް ކޮށްފައިވާއިރު، އެއީ އޭނާ ވަޒީފާގެ ދާއިރާގެ ބިންގާ ބިނާކުރި ވުޒާރާއެވެ.

ޗެނަލް 13 އަދި 'ވޮއިސް' ގެ ނޫސްވެރިއެއްގެ ގޮތުގައި ވެސް މަސައްކަތް ކުރެއްވި، ލަހުފާ އަކީ، ޕްރައިމަރީ ހެލްތު ކެއާރ ގެ ދާއިރާއިން ޑިގްރީ ހާސިލް ކުރައްވާފައިވާފައިވާ ބޭފުޅެކެވެ. 

އާ ސަރުކާރުގެ ހަފްތާ 14 ޖަލްސާ ހުށައަޅާދެނީ

ޖެންޑާ މިނިސްޓްރީގެ އިތުރުން ސޮސައިޓީ ފޯ ހެލްތު އެޑިއުކޭޝަން (ޝީ) ގައި ޕްރޮގްރާމު އޮފިސަރެއްގެ ގޮތުގައި ލަހުފާ މަސައްކަތް ކުރައްވާފައި ވެއެވެ.

އޭނާ ވަނީ އެ ޖަމުއިއްޔާގެ ޔޫތު ފޯކަލް ޕޮއިންޓުގެ ގޮތުގައި ވެސް މަސައްކަތް ކުރައްވާފަ އެވެ. 

އެ މުއްދަތުގައި އޭނާ ވަނީ ޝީ އާއި ޔޫއެންޑީޕީ އާއި ޔުނިސެފް ފަދަ ޖަމުއިއްޔާތައް ގުޅިގެން ހިންގާފައިވާ ޕްރޮޖެކްޓުތައް ލީޑުކުރައްވާ ޒުވާނުން ތަމްރީނު ކުރުމުގެ ޕްރޮގްރާމުތައް ވެސް ހިންގަވާފަ އެވެ.

ނޫސްވެރިކަމަށް އަބަދުވެސް ޝައުގުވެރިކަން ހުންނަ ލަހުފާ ފާއިތުވި 4 އަހަރު މަސައްކަތްކޮށްފައި ވަނީ ޗެނަލް-13 ގެ ޑެޕިއުޓީ އެޑިޓަރެއްގެ ގޮތުގައެވެ.

ނޫސްވެރިކަމުގެ ދާއިރާގައި އޭނާ ފާހަގަކޮށްލެވެނީ ސިޔާސީ ތަޖުރިބާކާރު ނޫސްވެރިއެއްގެ ގޮތުގަ އެވެ. 

ރިޔާސީ އިންތިޚާބުގެ ކެމްޕޭނު އައްޑޫ ދަތުރުގައި އާންމުންނާއި އިންޓަވިއު ކުރަނީ

އިޖުތިމާއީ ދާއިރާއަށް ޚިދުމަތްކޮށްދިނުމަށް ލިބުނު ފުރުސަތުގައި، ކުރިއަށް ދާއިރު، ލިޔުންތެރިކަމާއި މުޅިން ދުރަށް ދިއުމުގެ ވިސްނުން ނުގެންގުޅުއްވާކަމަށް ލަހުވާ ވަނީ "ވޮއިސް" އަށް ވިދާޅުވެފަ އެވެ.