ދީނީ ހޭލުންތެރިކަން އިތުރުކުރުމުގެ ހަރަކާތެއް މުޅި ރާއްޖޭގައި ކުރިއަށް ގެންދަން ނިންމައި އިސްލާމީ ކަންތައްތަކާ ބެހޭ ވުޒާރާއިން އެކަން އިއުލާންކޮށްފިއެވެ. 

މި އިއުލާންގައިވަނީ އެ ވުޒާރާއިން އިންތިޒާމްކޮށްގެން 2024 ވަނަ އަހަރު މާލެއާއި އަތޮޅުތެރޭގައި ކުރިއަށްގެންދަން ނިންމާފައިވާ މި ޕްރޮގްރާމުގައި މަސައްކަތްކޮށްދޭނެ ޢިލްމުވެރިންނަށް މިއަދު ފުރުޞަތު ހުޅުވައިލާކަމަށެވެ.

އެގޮތުން މި ޕްރޮގްރާމުގައި ބެއިވެރިވެ މަސައްކަތްކުރުމަށް ބޭނުންވާ ދީނީ އިލްމުވެރިން މި މަހުގެ 17 ވަނަ ދުވަހުގެ ކުރިން އެ ވުޒާރާގައި ނަން ނޯޓްކުރުމަށް އެ ވުޒާރާއިން ބުނެފައިވެއެވެ.

އަދި މިކަމާގުޅޭ އިތުރު މައުލޫމާތު ހޯދުމަށް، 3020256 / 3020245 އާ ގުޅައިގެން ކުރިއަށް ގެންދިޔުމަށް ވެސް ވަނީ ބުނެފައެވެ.

މި ޕްރޮގްރާމަށް ނަން ނޯޓުކުރުމަށް ހުޅުވާލައިފައިވަނީ އޮންލައިންކޮށެވެ. އަދި މިކަމާ ގުޅޭ ގޫގުލްފޯމް އިޢުލާނާއެކު ވަނީ ގެޒެޓްކޮށްފައެވެ.