އިސްރާއީލުުގެ ލާއިންސާނީ އަނިޔާވެރިކަމާއި ކުރިމަތިލާން ޖެހިފައިވާ ފަލަސްތީނުގެ ރައްޔިތުންނާއެކު ދިވެހިން ތިބިކަން ހާމަކޮށްދިނުމުގެ ގޮތުން އެއްވުމެއް ބާއްވަން ނިންމައިފިއެވެ.
މި އެއްވުމަކީ ދިވެހި ޒުވާނުންގެ އިސްނެގުމުގެ މަތިން ކުރިއަށްދާ ހަރަކާތެއް ކަމަށާއި ވަކި ޖަމިއްޔާއެއްގެ ނަމުގައި މި ހަރަކާތް ކުރިއަށް ނުގެންދިޔަ ނަމަވެސް، މިފަދަ ކަންކަން ރާވާ ހިންގުމުގައި އިސްކޮށް އުޅޭ ޖަމިއްޔާތަކަށް ދައުވަތުދީފައިވާކަމަށް މި އެއްވުން އިންތިޒާމްކުރާ ޒުވާނުން ބުނެއެވެ.
މި އެއްވުން ކުރިއަށްދާނީ ޑިސެންބަރު 15 ވާ ހުކުރު ދުވަހުގެ މެންދުރު 1:15 އިން ފެށިގެން މަޖީދީމަގު-ޗާންދަނީ މަގާއި އާޓިފިޝަލް ބީޗާ ދެމެދެވެ.
މީގެއިތުރުން އެ ފަރާތުން ބުނީ މި އެއްވުމުގައި ކުދި ބޮޑު އެންމެން މަޖީދީ މަގަށް އެއްވުމުން ފަލަސްތީނަށް ޚާއްސަ ދުޢާއެއް ކިޔުމަށްފަހު ހަރަކާތް ނިމިގެންދާނެ ކަމަށެވެ. އަދި މީގެ އިތުރުންވެސް ފަލަސްތީނުގެ ހާލަތާއި ބެހޭގޮތުން ޝުއޫރު ފާޅުކުރުމަށް ބޭނުންވާ ފަރާތްތަކަށް އެ ފުރުސަތު ވެސް އޮންނާނެނކަމަށެވެ.
ނަމަވެސް މި އެއްވުމަކީ މުޒާހަރާއެއް ނޫންކަމަށާއި އެހެން ކަމުން އަޑުގަދަކުރާ ފަދަ ތަކެތި ބޭނުންކޮށްގެން ވާހަކަދެއްކުމާއި، އިސްރާއީލުގެ ޕާސްޕޯޓު ދިވެހި ރާއްޖެއިން ބޭންކުރުމަށް ގޮވާލައި، ޖިހާދު ޕްރޮމޯޓް ކުރުން ފަދަ އެއްވެސް ކަމެއް މި ހަރަކާތުގެ ތެރޭގައި ކުރިއަށްނުދާނެކަމަށް ވެސް އިންތިޒާމްކުރާ ޒުވާނުންގެ ފަރާތުން މައުލޫމާތުދެއެވެ.
ފަލަސްތީނުގެ ރައްޔިތުންނާއެކު ދިވެހިން ތިބިކަން ހާމަކޮށްދިނުމަށް ވިހާވެސް ގިނަ މީހުން މިހަރަކާތުގައި ބައިވެރިވުމަށް މި ހަރަކާތް އިންތިޒާމު ކުރާ ފަރާތުން ވަނީ އެދިފައެވެ.
ހުކުރު ދުވަހު ބާއްވާ އެއްވުން ކުރިއަށްދާނީ މަޖީދީމަގު- ޗާންދަނީ މަގާއި އާޓިފިޝަލް ބީޗާ ދެމެދު
Advertisement
This content is created and paid for by advertisers and does not involve Voice Journalists
