ކައިރި މުސްތަގްބަލެއްގައި އިންޓަރންޝިޕް ޕްރޮގްރާމްތަކެއް ފެށުމަށް ހަމަޖެހިފައިވާކަމުގައި މޯލްޑިވްސް އެއަރޕޯޓްސް ކޮމްޕެނީ ޕްރައިވެޓް ލިމިޓެޑްގެ ސީއީއޯ އަދި މެނޭޖިންގ ޑިރެކްޓަރު އިބްރާހީމް ޝަރީފް މުހައްމަދު ވިދާޅުވެއްޖެއެވެ.
މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ އެހީގައި ހުރަވީ ސްކޫލުގައި ގާއިމުކުރި ވޮކޭޝަނަލް ހަބް "ހުނަރު ވެހި" ހުޅުވުމުގެ ރަސްމިޔާތުގައި ވާހަކަފުޅު ދައްކަވަމުން އެމްއޭސީއެލްގެ ސީއީއޯ އަދި މެނޭޖިންގ ޑިރެކްޓަރު އިބްރާހީމް ޝަރީފް ވިދާޅުވި މިހާރަށްވުރެ ވެސް ކުންފުންޏަށް ގިނަ ހުނަރުވެރި މަސައްކަތްތެރިން އިތުރުކުރުމަކީ އަމާޒެއްކަމުގައެވެ.
އެގޮތުން އެ މަސައްކަތުގެ ތެރެއިން އެ ކުންފުނީގެ ފަރާތުން ވަރަށް އަވަހަށް އިންޓަރންޝިޕް ޕްރޮގްރަމެއް ވެސް ފަށާނެކަމުގައި ޝަރީފް ވިދާޅުވިއެވެ.
އެ އިންޓަރންޝިޕް ޕްރޮގްރާމް އަަޅުގަނޑުމެން ބޮޑަށް އަމާުޒުކުރަނީ، އޯލެވެލް ނިމި އަނެއް މަރުހަލާއާއި ދެމެދު މަޑުކުރަން ޖެހޭ ކުދިން ބައިވެރިވެ ކުންފުންޏާއި ވަޒީފާއަށް ގުޅުމުގެ ޝައުގުވެރިކަން އިތުރުކުރުމަށް
އިބްރާހީމް ޝަރީފް
މީގެ އިތުރުން މި ރަސްމިޔާތުގައި ވާހަކަފުޅު ދައްކަވަމުން ޝަރީފް ވިދާޅުވީ އާެނާ ގަބޫލުފުޅުކުރައްވާ ގޮތުގައި އެމްއޭސީއެލް ފަދަ ބޮޑު ކުންފުންޏެއްގައި އިޖްތިމާއީ ބޮޑެތި ޒިންމާތަކެއް ހުންނާނެކަމަށެވެ.
އަދި ހަމަ އެއާއެކު އެ ކުންފުންޏަކީ ދާއިމީ ގޮތެއްގައި ތަފާތު ހުނަރުގެ މުވައްޒަފުން ބޭނުންވާ ތަނެއްކަން ފާހަގަކުރައްވާ ޝަރީފް ވިދާޅުވީ އޭނާގެ އުންމީދަކީ ހުނަރު ވެހި ފަދަ ސެންޓަރުތަކުން އަންނަ ކުދިންނަކީ އެ ކުންފުނީގެ މަސައްކަތަށް އަހުލުވެރި އެ ކުންފުނީގައި މަސައްކަތް ކުރުމަށް ޝައުގުވެރި ކުދިންތަކަކަށްވުން ކަމަށެވެ.
Advertisement
This content is created and paid for by advertisers and does not involve Voice Journalists
