ޔޫސުފް އަފަންދީ ނުވަތަ މެންޑްރިން އަކީ އޮރެންޖާއި ވައްތަރަށް ހުރި ނަމަވެސް ރަހައިގެ ގޮތުން އޮރެންޖާއި ތަފާތު އެއްޗެކެވެ. އެއިން ތައްޔާރު ކުރެވޭ ތަކެތިވެސް އޮރެންޖުން އެ ތައްޔާރު ކުރުމުންލާ ރަހައަށްވުރެ މީރެވެ. އެހެންކަމުން މިއަދު 'ވޮއިސް'ގެ ބަދިގެއިން މި ގެނެސްދެނީ ޔޫސުފް އަފަންދީ ޓްރައިފްލް ތައްޔާރު ކޮށްލާނެ ގޮތެވެ. 

މާރީ ބިސްކޯދު

330 މިލިލީޓަރ ހެވީ ކްރީމް 

150ގ ކްރީމް ޗީޒް

3 ޔޫސުފް އަފަންދީގެ ޖޫސް

75ގ ހަކުރު

5 ޔޫސުފް އަފަންދީ

100ގ އަލްމަންޑް (ތުނިކޮށް ކޮށާފައި)

1) ހެވީ ކްރީމް ތަށްޓަކަށް އަޅައި ހޭންޑް މިކްސަރަކުން ގާތްގަނޑަކަށް 3-5 މިނެޓްވަންދެން، ހެވީ ކްރީމް މަޑު ވެލަންދެން ވިސްކް ކުރާށެވެ. 

2) އެހެން ތަށްޓެއްގައި، ކްރީމް ޗީޒާއި، ޔޫސުފް އަފަންދީ ޖޫހާއި، ހަކުރު ހޭންޑް މިކްސަރެއް ބޭނުން ކޮށްގެން ރަނގަޅަށް އެކުލަވާލާށެވެ.  

3) ރަނގަޅަށް އެކުލެވުމުން ހެވީ ކްރީމް މަޑު މަޑު ކްރީމް ޗީޒް މިކްސްއަށް އެޅުމަށްފަހު ސަމުސަލަކުން ރަނގަޅަށް އެކުލަވާލާށެވެ. 

4) ޔޫސުފް އަފަންދީ ނޮޅާލުމަށްފަހު، ހުރިހާ ފޮތި ފޮއްޗަށް ވަކި ކޮށްލާށެވެ. ދެން އޭގެ ބޭރުގައި ހުރި ތުނި ހުދު ކުލައިގެ ތޮށިވެސް ނޮޅާލާށެވެ. 

5) ބިސްކޯދު އަތުން ކުދިކުދި ކުރުމަށްފަހު، ޓްރައިފްލް އަތުރާ ތަށީގެ އެންމެ ތިރީގައި ބިސްކޯދު ލެޔާރ އެއް ހަދާލާށެވެ. ދެން އޭގެ މަތީގައި ޔޫސުފް އަފަންދީ ފޮތި އަތުރާލާށެވެ. ޔޫސުފް އަފަންދީ ލެޔާރ މަތީގައި ކްރީމް ޗީޒް މިކްސްޗަރ ލެޔާރ އެއް އަތުރާލާށެވެ. 

6) އިތުރު ލެޔާރ އެއް ހެދެން އިން ނަމަ ހެދުމަށްފަހު، ފަހު ކަމަކަށް މަތީގައި އަލްމަންޑް އަދި ޔޫސުފް އަފަންދީ ފޮތި އަތުރާލާށެވެ. ދެން ގާތްގަނޑަކަށް ލލ 2 ގަޑި އިރު ވަންދެން ފްރިޖްގައި ފިނި ކޮށްލާށެވެ.