ބްރެޒިލްގެ ލަވަ ކިޔުންތެރިއެއް ސްޓޭޖް ޝޯވ އެއްގައި ލަވަ ކިޔަން ހުއްޓައި މަރުވެގެން ވެއްޓިއްޖެއެވެ. 

އުމުރުން އެންމެ 30 އަހަރުގެ ޕެޑްރޯ މަރުވެފައިވަނީ މިދިޔަ ބުދަ ދުވަހުގެ ރޭ ބްރެޒިލް ގައި އޮތް، ކްރިސްޓިއަން ދީނުގެ ދީނީ ހަރަކާތެއް ބޭއްވުމަށް ކުރިއަށް ގެންދެވުނު މިޔުޒިކް ޝޯވ އެއްގައި ލަވަ ކިޔަން ހުއްޓާ ކަަމަށް ބޭރުގެ މީޑިއާ ތަކުން ރިޕޯޓް ކުރެއެވެ. 

އެގޮތުން، އޭނާ މަރުވެގެން ވެއްޓުނު ވީޑިއޯ މިހާރު މީސް މީޑިއާގައި ވައިގައި ހިފާފައި ވާއިރު، މަރުވެގެން ވެއްޓުމުގެ ކުރިން، ބެލެންސް ކަހާލައިގެން އޭނާ އަރި އަރި އަޅާ މަންޒަރު ފެނެއެވެ. އަދި އޭގެ އިރުކޮޅެއްގެ ތެރޭގައި އޭނާ ބިންމައްޗަށް ވެއްޓެއެވެ

Advertisement

. 

ލަވަކިޔަން ހުއްޓާ މަރުވެގެން ވެއްޓުނު ޕެޑްރޯ

ބޭރުގެ މީޑިއާ ތަކުން ބުނެފައިވާ ގޮތުގައި، އޭނާ ވެއްޓުމާއެކު އެ ޝޯވް ބޭއްވި ތަނާއި އެންމެ ގާތުގައި ހުރި ކްލިނިކަށް އޭނާ ވަނީ ގެންގޮސްފައެވެ. 

އަދި އެ ކްލިނިކުން ވަނީ އެތަނަށް ގެންދެވުނު އިރުވެސް އޭނާ މަރުވެފައިވާ ކަމަށް ކަނޑައަޅާފައި ކަމަށާ އޭނާ މަރުވީ ހާޓް އެޓޭކެއް ޖެހިގެން ކަމަށް ބޭރުގެ ބައެއް މީޑިއާ ރިޕޯޓްތައް ބުނެއެވެ.