5000 އަށްވުރެ ގިނަ މީހުންނާއި އެކު އުރީދޫ ފަން ރަން ފަހުގެ ތައްޔާރީތައް ވާންފަށައިފިއެވެ.

އުރީދޫ ފަންރަންގެ ބައިވެރިންނަށް މިހާރު ކިޓް ޑެލިވަރީ ކުރަމުންދާއިރު ރަން ބާއްވާ ސަރަހައްދު ކަމުގައިވާ ހުޅުމާލެ ސެންޓަރަލް ޕާކު ސަރަހައްދު އަންނަނީ ތައްޔާރުކުރަމުންނެވެ.

މި އަހަރުގެ ފަންރަންގެ އިވެންޓް ޕާޓްނަރަކީ ސްޓޭޖްކޯއެވެ. 

Advertisement

އުރީދޫ ފަން ރަންގައި ކޮންމެ ކިލޯމީޓަރ އެއް ދުވެ ނިމުމުން، ބެހެއްޓިފައިވާ ސްޓޭޝަންތަކުގައި، ކުލަގައިގެ އިތުރުން ފެން އަދި މަޖާ ހަރަކާތްތަކެއް ކުރިއަށްދާނެ ކަމަށާ، މިއީ ވަކި ވަގުތެއްގެ ތެރޭގައި ނިންމަން ޖެހޭ ރޭހަކަށް ނުވާތީ، ހިނގާފަ، ޖޮގްކޮށްފަ، ނޫނީ ދުވެފަވެސް މި ދުވުން ނިންމިދާނެ ކަމަށް އެކުންފުނިން ބުނެއެވެ.

ރާއްޖޭގައި 5 ކިލޯމީޓަރަށް ދުވުމަށް އުރީދޫއިން އިންތިޒާމްކޮށްގެން ބާއްވާ ފަން ރަން އޮންނާނީ މި މަހުގެ 22 ހުކުރު ދުވަހުގެ ހަވީރުއެވެ. ހަމަ މިދުވަހުގެ ހެދުނު ހުޅުމާލޭގައި އުރީދޫ ޑްރޯން ރޭސް ބޭއްވުމަށްވެސް ވަނީ ހަމަޖެހިފައެވެ.

މިއަހަރުގެ އުރީދޫ ފަންރަން ގެ މީޑިއާ ޕާޓްނަރަކީ ވޮއިސްއެވެ.