މިއަހަރުގެ 3 ވަނަ ކުއާޓަރުގައި ޖިންސީ ގޯނާގެ 145 މައްސަލައެއް ފުލުހަށް ހުށައެޅިފައިވާ ކަމަށް ފުލުންގެ ކުށުގެ ތަފާސް ހިސާބުތަކުން ބުނެފިއެވެ.

މިއަހަރުގެ 3ވަނަ ކުއާޓަރުގައި ފުލުހުންނަށް 145 މިފަދަ މައްސަލައެއް ރިޕޯޓް ކުރެވިފައިވާ އިރު އޭގެ ތެރެއިން 80 މައްސަލައެއް ތަހްޤީޤް ކުރެވިފައިވާ ކަމަށް ފުލުހުން ބުނެއެވެ.

ފުލުހުން ބުނެފައިވަނީ މި 80 މައްސަލައިގެ ތެރެއިން 38 މައްސަލައަކީ ކުޑަކުދިންނަށް ޖިންސީ ގޯނާ ކުރުމުގެ މައްސަލަތައް ކަމަށެެވެ. އަދި ޖިންސީ ފުރައްސާރަ ކުރުމުގެ 7 މައްސަަލައެއް ވަނީ ހުށައއެޅިފައެވެ.

ހަށިވިއްކުމާއި ގުޅޭ 3 މައްސަލައަކާއި ރޭޕް ކުރުމުގެ 3 މައްސަލައެއްވެސް ވަނީ މިމުއްދަތުގެ ތެރޭގައި ފުލުހަށް ހުށައެޅިފައެވެ.

މީގެ އިތުރުން ޖިންސީ ކުށުގެ 29 މައްސަލައެއްވެސް ހުށައެޅިފައިވެއެވެ.

މީގެތެރެއިން 38 މައްސަލައެއް ބަލައި ތަހްްޤީޤު ކޮށް ނިމިފައިވާއިރު، ދެމައްސަލައެއް ވަނީ ޕީޖީ އޮފީހަށް ފޮނުވައިފައެވެ. މީގެ އިތުރުން 31 މައްސަލައެއްގައި ހިމެނޭ މީހުން ވަނީ ހައްޔަރުކޮށްފައެވެ.

ޖިންސީގޯނާގެ އެންމެ ގިނަ މައްސަލަތައް މި މުއްދަތުގެ ތެރޭގައި ހުށައަޅައިފައިވަނީ މާލެ ސިޓީއިންނެވެ.