ދޮންބަންޑާރައިންގެ މަތިވެރި ޖިހާދުން ހިތްވަރާއި ބުންވަރު ހޯދައި މިއަދުގެ ލީޑަރުން ދޭންޖެހޭ ޤުރްބާނީ ކުޑަ ނޫންކަމުގައި ދީނީ އިލްމުވެރިޔާ ޝައިޚް އަހްމަދު ސަމީރު ވިދާޅުވެއްޖެއެވެ.
19 ވަނަ ރައްޔިތުންގެ މަޖިލީހުގައި މިވަގުތު ތިއްބެވި އެމްޑީޕީ މެންބަރުންގެ ވޯޓުން، ރައީސާއި ނާއިބު ރައީސް އަޒުލު ކުރެވޭ ފަދަ ގޮތަކަށް މަޖިލީހުގެ ގަވާއިދު ބަދަލު ކުރުމަށް ބުރާސްފަތި ދުވަހު އާއްމު ކޮމިޓީން ނިންމާފައިވާ މި ދަނޑިވަޅުގައި ކުރެއްވި ޓުވީޓެއްގައި ޝެއިޚް ސަމީރު ވިދާޅުވީ, ވެެރިކަމުގެ ދަހިވެތިކަމުގައި ދިވެހިރާއްޖޭގެ ޤާނޫނީ ވެރިކަން ފިރުކައިގަނެ، ޤައުމުގައި ދާޚިލީ ހަމަނުޖެހުން އުފެއްދުމަަށް ބޭރުގެ ބާރުތަކާ ގުޅިގެން ޒަމާނުއްސުރެން މަސައްކަތް ކުރަމުން އަންނަ ކަމަށެވެ.
އަދި އެކަން ކުރުމަށް ދިވެހީންގެ ތެރެއިން ޚާއިނުން ކުރަމުން ދިޔަ މަސައްކަތަކީ ނިމިފައިވާ ކަމެއްވެސް ނޫން ކަމުގައި ޝެއިޚް ސަމީރު ވިދާޅުވިއެވެ.
އެގޮތުން ޝައިހް ވަނީ “މަލާބާރީންގެ” ނުފޫޒުގެ އަޅުވެތިކަމުން ދިވެހިރާއްޖެ ސަލާމަތް ކުރުމަށް މިއަދުގެ ލީޑަރުން ދޭންޖެހޭ ޤުރްބާނީ ކުޑަ ނޫންކަމުގައި ވިދާޅުވެފައެވެ.
ދޮންބަންޑާރައިންގެ މަތިވެރި ޖިހާދުން ހިތްވަރާއި ބުންވަރު ނަގައި “މަލާބާރީންގެ” ނުފޫޒުގެ އަޅުވެތިކަމުން ދިވެހިރާއްޖެ ސަލާމަތް ކުރުމަށް މިއަދުގެ ލީޑަރުން ދޭންޖެހޭ ޤުރްބާނީ ވަކި ކުޑައެއް ނޫނެވެ
ޝައިޚް އަހްމަދު ސަމީރު
ރައްޔިތުންގެ މަޖިލީހުގެ ޤަވާއިދުގެ އޮތް ގޮތާއި، 19 ވަނަ މަޖިލީހުގެ މިހާތަނަށް ޢަމަލުކުރެވެމުން ވެސް އަންނަ ގޮތުން، މަޖިލީހުގެ މެންބަރުންގެ ޖުމްލަ ޢަދަދު ގުނާނީ އެ ދައުރެއްގެ ޖުމްލައަށް ބަލައިގެންނެވެ.
އެގޮތުން ޤާނޫނު އަސާސީގައި ބުނާގޮތުން ރައީސުލްޖުމްހޫރިއްޔާ ނުވަތަ ރައީސުލްޖުމްހޫރިއްޔާގެ ނައިބް އެ މަގާމުން ވަކިކުރެވޭނީ ރައްޔިތުންގެ މަޖިލީހުގެ ޖުމުލަ މެންބަރުންގެ 2/3 އަގުލަބިއްޔަތުންނެވެ.
Advertisement
This content is created and paid for by advertisers and does not involve Voice Journalists
