ހެދުން އެޅުމުގެ މިންގަނޑެެއް ހަދާ އެ ކަމަށް އަމަލު ކުރަން ވަކި ތާރީހެއް ކަނޑައަޅާފައިވާ ކަމަށް ދެކެވޭ ވާހަކަތައް ސަރުކާރުން ދޮގުކޮށްފިއެވެ.
ސަރުކާރުގެ ފުރަތަމަ ހަތަރު ހަފްތާގެ ތެރޭގައި ހިމެނިގެން އާންމު އިޖްތިމާއީ މިންގަނޑާއި ހިލާފަށް ހެދުން އަޅައިގެން މުޖްތަމައުގެ ތެރޭގައި އުޅުން މަނާކުރަން ސަރުކާރުން ނިންމާފައިވާ ކަމަށް ބުނެ ޕޯސްޓެއް ވަނީ ދައުރުވެފައެވެ.
މި ޕޯސްޓްގައި ބުނެފައިވާގޮތުން 2024 ވަނަ އަހަރުގެ މާރޗް މަހުގެ 1 ވަނަ ދުވަހުން ފެށިގެން އާންމު އިޖްތިމާއީ މިންގަނޑާއި ހިލާފަށް ހެދުން އަޅައިގެން މުޖްތަމައުގެ ތެރޭގައި އުޅުމަކީ މަނާކަމެކެވެ.
އެކަމާއި ގުޅޭގޮތުން ސަރުކާރުގެ ތަރުޖަމާން މުހައްމަދު ޝަހީބް ވަނީ އެ ވާހަކަތަކަކީ ދޮގު ވާހަކަތަކެއް ކަމަށާއި އެފަދަ ވާހަކަތައް ފެތުރުމުގެ ބޭނުމަކީ ސަރުކާރު ބަދުނާމުކުރުން ކަމުގައި ވިދާޅުވެ އެ ވާހަކަ ދޮގުކުރައްވާފައެވެ.
މިފަދަ ޕޯސްޓެއް ދައުރުވެފައި މިވަނީ ރާއްޖެފަދަ ސައްތައިން ސައްތަ އިސްލާމީ ގައުމެއްގައި ހެދުން އެޅުމުގެ މިންގަނޑުތައް ހުންނަންޖެހޭ ގޮތާއި ޚިލާފަށް ހެދުން އެޅުން އާންމުވެ އެކަމާއި ގުޅިގެން ގިނަ ބަޔަކު ކަންބޮޑުވުން ފާޅުކުރަމުން އަންނަ ވަގުތެއްގައެވެ.
Advertisement
This content is created and paid for by advertisers and does not involve Voice Journalists
