ބޮމުގެ ހަމަލާތައް ދީ ޣައްޒާގެ ބިމުން ފަލަސްޠީނުގެ ރައްޔިތުން ފައްސާލުމަށް ފަހު އިސްރާއީލުގެ ޔަހޫދީން އެތަނުގައި މީހުން އާބާދުކުރުމަށް ތައްޔާރުވާން ފަށައިފިއެވެ.

އަލްޖަޒިރާގައި ބުނެފައިވަނީ ޣައްޒާގެ މީހުން ދިރިއުޅޭ ޢިމާރާތްތައް ހުރި ސަރަހައްދުތަކަށް ބޮން އަޅައި އެތަނުން އެމީހުން ފައްސައިލުމަށްފަހު އިސްރާއީލުގެ ރިއަލް އެސްޓޭޓް ކުންފުންޏަކުން އެސަރަހައްދުތަކުގައި މީހުން އާބާދުކުރުމަށް އިމާރާތްތައް އެޅުމަށް ތައްޔާރުވަމުން އަންނަ ކަމަށެވެ.

އިސްރާއީލުގެ ރިއަލްއެސްޓޭޓް ކުންފުނިން ދަނީ އެ މީހުންގެ މެދުގައި އެތަނުގައި ޢިމާރާތް ކުރުމަށް ތައްޔާރުވަމުން އަންނަ ބީޗް ހައުސްތަކުގެ އިސްތިހާރު ވެސް ކުރަމުންނެވެ.

އެކުންފުނިން ތައްޔާރުކޮށްފައިވާ މެޕުން ދައްކުވައިދެނީ އިސްރާއީލުން ބޮން އޮޅުމުގެ ސަބަބުން ބިމާއި ހަމަވެފައިވާ އިމާރާތްތައް ހުރި ސަރަހައްދުގައި އެމީހުން ގެ އެޅުމަށް ރާވައިފައިވާ ގޮތެވެ.

އިސްރާއީލުން ޣައްޒާއަށް ހަމަލާތައް ދޭން ފެށި ހިސާބުން އެ ރިއަލް އެސްޓޭޓް ކުންފުނިން ޣައްޒާގެެ ސަރަހައްދުތަކުގައި ސިފައިންގެ ޔުނިފޯމްގައި ހަރަކާތްތެރިވާތަން ވަނީ ފެނިގެން ގޮސްފައެވެ.

އަދި ބައެއް ވީޑިއޯތަކުގައި އެ ކުންފުނީގެ މުވައްޒަފުން އެތަނުގައި ޢިމާރާތް ކުރަން ފަށަން އުޅޭ ކަމަށް ވަނީ ބުނެފައެވެ.

އެ ކުންފުންޏަކީ ފަލަސްޠީނުގެ ހުޅަނގު އައްސޭރީގައި ޔަހޫދީން އާބަދު ކުރުމަށް އިމާރާތްތައް އެޅި ކުންފުންޏެވެ.

އިސްރާއީލުން ފަލަސްޠީނުގެ ބިމުގައި އެމީހުންގެ މީހުން އާބަދުކުރަމުންދަނީ ބައިނަލްއަޤްވާމީ ޤާނޫނުތަކާއި ޚިލާފަށެވެ.

އިސްރާއީލުން ފަލަސްޠީނުގެ ބިން ފޭރެމުންދާއިރު އެމީހުން ދަނީ ފަލަސްޠީނުގެ ރައްޔިތުންނަށް އެމީހުންގެ ބިމަށް ވަނުން މަނާ ކުރަމުންނެވެ.

ފަަލަސްތީނުގެ ބިމުގައި މިހާރުވެސް 700،000 ޔަހޫދީން އާބާދުކޮށްފައިވެއެވެ. އަދި އެބައިމީހުން އެތަނުގައި އާބާދު ކުުރުމަށްޓަކައި ފަލަސްޠީން ރައްޔިތުންގެ އެތައް ސަތޭކަ ގެއެއްވަނީ ބިމާއި ހަމަކޮށްފައެވެ.