އުރީދޫ ފަން ރަން2023 ގެ މެޑިކަލް ޕާޓްނަރަކަށް ޓްރީ ޓޮޕް ހޮސްޕިޓަލް (ޓީޓީއެޗް) އާއި އެކު އުރީދޫއިން އެއްބަސް ވެއްޖެއެވެ.

މިކަމާއި ގުޅިގެން އުރީދޫއިން ނެރުނު ނޫސް ބަޔާނެއްގައި ބުނީ މި ޕަރޓްނަރޝިޕް ގެ އަމާޒަކީ ރާއްޖޭގައި ބާއްވާ 5 ކިލޯމީޓަރުގެ މި ދުވުމުގެ ބައިވެރިންގެ ސިއްހަތާއި ރައްކާތެރިކަން ކަށަވަރުކޮށްދިނުން ކަމަށެވެ.

މި ޕާޓްނަރޝިޕްގެ ދަށުން އުރީދޫއިން ޓްރީ ޓޮޕް ހޮސްޕިޓަލް އާއި ގުޅިގެން އަގުހުރި ހެލްތް ޓިޕްސް ތަކުގެ ގޮތުގައި ޑައަޓާއި ކަސްރަތުގެ އިރުޝާދުތައް ސޯޝަލް މީޑިއާ މެދުވެރިކޮށް ދުވުންތެރިންނަށް ފޯރުކޮށްދޭނެ ކަމަށްވެސް އުރީދޫއިން ބުނެއެވެ

މި ދުވުމުގައި ބައިވެރިވާ ބައިވެރިންގެ ޞިއްޙަތާއި ރައްކާތެރިކަން ކަށަވަރުކުރުމުގައިޓްރީ ޓޮޕް ހޮސްޕިޓަލުން މުހިންމު ދައުރެއް އަދާކުރާނެ ކަަމށާއި ހެނދުނުގެ ޑްރޯން ރޭހާއި ދުވުމުގެ އިވެންޓް އިވެންޓުގައި ވެސް ޓީޓީއެޗް އިން ފަސްޓް އެއިޑް އަދި މެޑިކަލްހިދުމަތް ފޯރުކޮށްދޭނެ ކަމަށްވެސް އުރީދޫއިން ބުނެއެވެ.

ހުޅުމާލެ ސެންޓްރަލް ޕާކުގެ އިވެންޓް ސަރަހައްދުގައި މި ހޮސްޕިޓަލް ގެ ޓެންޓުން ދުވުންތެރިންނަށް ވަގުތުން އެހީތެރިކަމާއި އަޅާލުން ދިނުމަށްއެ ހޮސްޕިޓަލް ގެ ޓީމުން ތައްޔާރަށް ތިބޭނެ އެވެ. އަދި އުރީދޫ ފަން ރަން2023 ކުރިއަށް ދާއިރު ޓްރީ ޓޮޕް ހޮސްޕިޓަލްގެ އިމަޖެންސީ ރޫމް ވެސް އޮންނާނީ ފުލް އެލާޓުގައެވެ.

އުރީދޫ ފަން ރަން ބޭއްވުމަށް ހަމަޖެހިފައިވަނީ 22 ޑިސެމްބަރ 2023 ވާ ހުކުރު ދުވަހުގެ ހަވީރު 3:30 ގައި ބޭއްވުމަށް ހަމަޖެހިފައިވާ ފަން ރަން އިވެންޓް ބާއްވާ ދުވަހުއެވެ.