ލޯކަލް މާރުކޭޓު ހުރި ސަރަހައްދުގައި އެޅުމަށް ހަމަޖެހިފައިވާ ޒަމާނީ ފެންވަރުގެ މާރުކޭޓު އިމާރާތްކުރުމުގެ މަސައްކަތް އަންނަ ހަފާތްގާއި ފަށަން ނިންމަވާފައިވާކަން ރައީސުލްޖުމްހޫރިއްޔާ ޑރ. މުހައްމަދު މުއިއްޒު އިއުލާން ކުރައްވައިފިއެވެ.
ލޯކަލް ކައުންސިލްތަކަށް ދޭ "ކަންގަތި" އެވޯޑް ދިނުމަށް ރޭ ދަރުބާރުގޭގައި ބޭއްވި ރަސްމިއްޔާތުގައި ވާހަކަފުޅުދައްކަވަމުން ރައީސް މުއިއްޒު ވިދާޅުވީ ހަތަރު ބުރިއަށް އިމާރާތް ކުރާ ޒަމާނީ ފެންވަރުގެ އެ މާރުކޭޓު އެޅުމުގެ މަސައްކަތް އަންނަ ހަފުތާގައި ފައްޓަވާނެ ކަމާށެވެ.
މި ސަރުކާރު މިއައީ މިފަދަ އެތައް ފަސޭހަތަކެއް، އެތައް ކުރިއެރުމެއް ރައްޔިތުންނަށް ގެނެސްދޭން. އެކަމުގެ ފުރިހަމަ ޕްލޭނާއެކު، އެކަމުގެ ހެޔޮ ނިޔަތާއި ޢަޒުމާއެކު
ރައީސުލްޖުމްހޫރިއްޔާ ޑރ މުހައްމަދު މުއިއްޒު
މީގެ އިތުރުން ރޭގެ ޖަލްސާގައި ވާހަކަފުޅު ދައްކަވަމުން ރައީސް ވިދާޅުވީ، އެ މަނިކުފާނު މާލެ ސިޓީ މޭޔަރު ކަމުގައި ހުންނެވިއިރު ރައްޔިތުންނަށް ކޮށްދެއްވުމަށް ނިންމެވި ގިނަ ކަންކަން އޭރުގެ ސަރުކާރުން ހުއްޓުވި ކަމަށެވެ.
އަޅުގަނޑު މާލޭސިޓީގެ މޭޔަރު ކަމުގައި ހުރެގެން ރައްޔިތުންނަށް ކޮށްދޭން އުޅުނު މުހިންމު ބޮޑެތި ގިނަ ކަންތައްތަކެއް. އެނގިވަޑައިގަންނަވާނެ ފަދައިން، އޭރު އޮތީ ހުއްޓުވާފައި. އަޅުގަނޑުމެން މަސައްކަތް ކުރިން، އޭރު މާލޭގެ މަގުތައް ޒަމާނީ ފެންވަރަކަށް ހަދަން. ލޯކަލް މާރުކޭޓާއި މަސް މާރުކޭޓު، އެއް ފުރާޅެއްގެ ދަށަށް ގެނެސް، އެންމެ ޒަމާނީ ފެންވަރަށް ބިނާވެފައިވާ އިމާރާތަކަށް ހަދަން.
ރައީސުލްޖުމްހޫރިއްޔާ ޑރ މުހައްމަދު މުއިއްޒު
ހަތަރު ބުރިއަށް އިމާރާތްކުރާ ޒަމާނީ ފެންވަރުގެ މަސްމާރުކޭޓު އިމާރާތުގައި ތިން މާރުކޭޓެއް ހުންނާނެއެވެ. އެއީ އެންމެ ޒަމާނީ ފެންވަރުގެ މަސްމާރުކޭޓަކާއި ލޯކަލް މާރުކޭޓު އަދި ދަތުރުވެރީންގެ މާރުކޭޓެކެވެ.
Advertisement
This content is created and paid for by advertisers and does not involve Voice Journalists
