ދައުލަތުގެ ވަޒީރުންނާއި ކުންފުނިތަކުގެ އިސްވެރިންގެ އިތުރުން ސިޔާސީ މަގާމުތަކުގައި ތިއްބެވި ފަރާތްތައް ހިމެނިވަޑައިގަންނަވާހެން ދިވެހިރާއްޖޭގެ ހުރިހާ އަތޮޅުތަކަށް މި ހަފްތާ ބަންދުގައި ކުރުމަށް ހަމަޖެހިފައިވާ ދަތުރުތަކުގައި މިއަދު ފުރުމަށް ހަމަޖެހިއްޖެއެވެ. 

ޕީޕީއެމްގެ ތަރުޖަމާނު އަދި އެންސްޕާގެ ސީއީއޯ ހީނާ ވަލީދު މިއަދު ޕީޕީއެމްގެ ވައިބަރ ގްރޫޕުގައި ހިއްސާކުރެެއްވި މެސެއްޖުގައި ވަނީ ރައީސް ޑރ މުހައްމަދު މުއިއްޒުގެ ބެއްލެވުމުގެ ދަށުން މި ހަފްތާ ބަންދުގައި ކުރުމަށް ހަމަޖެހިފައިވާ ދަތުރުތަކުގައި މިއަދު ފުރުމަށް ހަމަޖެހިފައިވާ ކަމަށެވެ. 

އެގޮތުން މި ދަތުރުތަކުގައި ރައްޔިތުންގެ ކަންކަން ގާތުން ބެއްލެވުމަށް ހަމަޖެހިފައިވާކަމަށް އެ މެސެޖުގައި ވަނީ ބުނެފައެވެ. 

މި ހަފުތާ ބަންދުގައި ދައުލަތުގެ ވަޒީރުންނާއި ކުންފުނިތަކުގެ މަސްއޫލުވެރީން ހިމެނިވަޑައިގަންނަވާ ގޮތަށް ހުރިހާ ރަށަކަށް ރައްޔިތުންގެ އަރިހަށް ވަފުދުތައް ދަތުރު ކުރައްވާނެކަމަށް ރައީސުލްޖުމްހޫރިއްޔާ ޑރ މުހައްމަދު މުއިއްޒު ވަނީ ކަންގަތި އެވޯޑު ދިނުމަށް ރޭ ދަރުބާރުގޭގައި އޮތް ރަސްމިޔާތުގައި ވިދާޅުވެފައެވެ. 

މީގެ އިތުރުން އެމަނިކުފާނުގެ ކަނޑައަޅުއްވާފައިވާ މި ވަފުދުތަކުގެ އިތުރުން ރާއްޖޭގެ ރަށްރަށަށް ޚުދު ރައީސް ޑރ. މުއިއްޒު ވެސް ދަތުރުކުރައްވާނެ ކަމަށާއި ރައްޔިތުންގެ އަސްކަނި ދަށުން ލިބޭ ހިޔަލަކީ ވަރަށް ވެސް ނިޔާމަ ހިޔަލެއްކަމުގައި އަބަދުވެސް ގަބޫލުކުރައްވާ ކަމަށް ވެސް ރައީސް ޑރ.މުއިއްޒު ވަނީ ވިދާޅުވެފައެވެ.