އަވައްޓެރި އިންޑިޔާގެ ކަރްނާޓަކާގައި މުސްލިމުންނަށް ބުރުގާ އަޅަައިގެން ތަޢުލީމް ދޭ ތަންތަނަށް ނުވަދެވޭނެ ގޮތައް އޮތްއޮތުން ނިމުމަކަށް ގެންނާނެ ކަމަށް ކަރްނާޓަކާއިގެ ޗީފް މިނިސްޓަރު ސިދްރާމާޔާ ވިދާޅުވެއްޖެއެވެ.

އިންޑިޔާގެ ކަރްނާޓަކާއިގައި ޢަމަލުކުރަމުންދިޔަ އެއުސޫލަކީ ކަރްނާޓަކާގެ ސިޔާސީ ބާރު ބީޖޭޕީގެ ދަށުގައި އޮތް އިރު ގާއިމްކުރި އުސޫލެކެވެ.

ޗީފް މިނިސްޓަރު ސިދްރާމާޔާ ވިދާޅުވެފައިވަނީ މުސްލިމް އަންހެން ކުދިންނަށް ބުރުގާ އަޅައިގެން ސްކޫލާއި ކޮލެޖުތަކަަށް ކިޔަވަން ނުވަދެވޭނެ ކަމަށް ނެރެފައި އޮތް އަމުރު އަނބުރައި ގެނައުމަށް ކަމާއި ބެހޭ ފަރާތްތަކަށް އަންގަވާފައިވާނެ ކަމަށެވެ.

ބުރުގާ މަނާކުރުން ދެން ނޯންނާނެ، ބުރުގާ އެޅޭނެ ބުރުގާ އަޅައިގެން ބޭނުން ތަނަކަށް ދެވޭނެ، އެމީހަކު އަޅާ ހެދުމަކާއި އެމީހަކު ލާ އެއްޗަކީ އެމީހެއްގެ ކަމެއް، އަަހަރެން އެކަންކަން ހުއްޓުވަން ވީ ކީއްވެ' ސިދްރާމާޔާ ވިދާޅުވިއެވެ.

ސިދްރާމާޔާ ވަނީ ބީޖޭޕީ ސަރުކާރުން އިންޑިޔާގެ ރައްޔިތުން އެމީހުން އަޅާ ހެދުމާއި އެމީހަކު ކާއެއްޗެހީގެ ސަބަބުން މީހުން ބައިބަޔަށް ވަކިކުރާ ކަމަށް ވެސް ވިދާޅުވެފައެވެ.

ބުރުގާ އަޅާ ކުދިން ސްކޫލްތަކަށާއި ކޮލެޖުތަކަށް ނުވައްދާ، ދެކޮޅު ހެދުމުގެ މައްސަލައިގެ އަޑު ބޮޑަށް ފެތުރުނީ ކަރްނާޓަކާގެ އުޑުޕީ ޑިސްޓްރިކްގެ ގަވަރަމެންޓް ޕްރީ-ޔުނިވާސިޓީގެ އަންހެން ކުދިންގެ ކޮލެޖްގައި ކިޔަވާ މުސްލިމް 6 ކުއްޖަކު ބުރުގާ އަޅައިގެން ކްލާސް ރޫމްއަށް ވަނުން މަނާކުރުމާއި ގުޅިގެން އެކަން ސޯޝަލް މީޑީއާގެ ވަސީލަތްތައް މެދުވެރިކޮށް މީހުންގެ ސަމާލުކަން ލިބުމުންނެވެ.

މި މައްސަލައާއި ގުޅިގެން ކަރްނާޓަކާގެ ސަރުކާރުން ގޮތް ނިންމީ އެ ކޮލެޖާއި ދެކޮޅަށެވެ. އަދި ކަރްނާޓަކާގެ ހައިކޯޓުން ވެސް ބުރަވީ ބީޖޭޕީ ސަރުކާރުންގެ ނިންމުމާއި އެއްކޮޅަށެވެ.

އޭގެ ފަހުން މި މައްސަލަ އިންޑިޔާގެ ސުޕްރީމް ކޯޓަށް ހުށައެޅުނެވެެ. ސުޕްރީމް ކޯޓުން ދެ ފަނޑިޔާރުން މި މައްސަލައާ ދެކޮޅަށް ރިޢާޔަތް ނެރުއްވުމުން ތިންވަނަ ފަނޑިޔާރެއްގެ ބަސް ހޯދުމަށް މި މައްސަލަ އޮތީ ފޮނުވައިފައެވެ.