ކޮލިޓީ ނެތް ބޭފުޅުންނަށް ރަބަރު ސްޓޭމްޕް ޖަހާ އުސޫލުން ރުހުންދިނުމަކީ ރައްޔިތުންގެ މަޖިލީހުގެ މެންބަރުން ކޮށްގެން ވާނެކަމެއް ނޫން ކަމަށް ކުޅުދުއްފުށީ އުތުރު ދާއިރާގެ މެންބަރު ޔާސިރު ޢަބްދުއްލަތީފް ވިދާޅުވެއްޖެއެވެ.
ޔާސިރު މިހެން ވިދަޅުވީ އެކްސްގައި އޭނާ ކުރެއްވި ޕޯސްޓެއްގައެވެ.
ޔާސިރުގެ ވިދާޅުވީ މި ސަރުކާރުގެ ކެބިނެޓްގައި ތިއްބެވި ބައެއް ވަޒީރުންނަކީ ގާބިލް ބޭފުޅުން ނޫންކަމަށް ބައެއް ފަރާތްތަކުން ބުނަމުންދާ ކަމަށާއި، ކޮލިޓީ ނެތް ބޭފުޅުންނަށް ރަބަރު ސްޓޭމްޕް ޖަހާ އުސޫލުން ރުހުންދިނުމަކީ މަޖިލިސް މެންބަރުން ކޮށްގެންވާނެ ވާނެ ކަމެއް ނޫންކަމަށެވެ.
“އަނެއްބައި ފަރާތްތަކުން ދަންނަވަނީ ރުހުން ދިނުމުގައި އަމަލު ކުރެވެމުން އައި ގޮތަށް ބަލާއިރު ފުރަތަމަ ކެބިނެޓްގެ ހުރިހާ ވަޒީރުންނަށް ރުހުން ދިނުން ރަނގަޅު ކަމަށް، މައްސަލަތައް އުޅޭނަމަ ފަހުން މަޖިލީހުގެ ތެރެއިން މަގާމުން ދުރުކުރުމުގެ މަސައްކަތް ކުރިއަތް ގެންދިއުމަށް ރައީސުލްޖުމްހޫރިއްޔާގެ ކެބިނެޓަށް ރައްޔިތުންގެ މަޖިލިސްއިން އެޕްރޫވަލް ހޯދަންޖެހޭ ގޮަތަށް ކަނޑައެޅި ލިޔެވިފައި އޮންނަނީ ކޮން މަގުސަދެއްވައިތޯ ވިސްނަންޖެހޭ” ޔާސިރު ވިދާޅުވެފައިވެއެވެ.
ރައްޔިތުންގެ މަޖިލިސްގެ ރުހުން ދިނުމުގެ ޕްރޮސެސް އަކީ ހާމަކަން ބޮޑުގޮތެއްގައި ހިންގާ ރަނގަޅު ވެޓިން ޕްރޮސެސަކަށް ވާންޖެހޭ ކަމުގައި ގަބޫލުކުރައްވާ ކަމަށް ވެސް މެންބަރު ޔާސިރު ވިދަޅުވެފައިވެއެވެ.
ރައީސް ޑރ މުޙައްމަަދު މުޢިއްޒުގެ ކެބިނެޓަށް ރުހުން ދިނުމުގެ މައްސަލަ މަޖިލީހުގައި ދިގުދަންމަމުންދާކަމަށް ދަނީ ތުހުމަތުކުރެވެމުންނެވެ. އިއްޔެ ވެސް އެކަމާއި ގުޅޭ ގޮތުން ބާއްވަން ހަމަޖެހުނު ކޮމިޓީ ބައްދަލުވުން ވެެސް ވަނީ ކޯރަމް ހަމަނުވެގެން ކެންސަލްކޮށްފައެވެ.
މީގެއިތުރުން އެމްޑީޕީގެ އިސްބައެއް ބޭފުޅުން ވަނީ ބައެއް މިނިސްޓަރުންނަށް ރުހުން ނުދެއްވާނެ ކަމަށް ވިދާޅުވަމުންނެވެ.
Advertisement
This content is created and paid for by advertisers and does not involve Voice Journalists
