ހަމަލާތަކުގެ ސަބަބުން ގެދޮރު ގެއްލިފައިވާ ޣައްޒާގެ ރައްޔިތުިން ރޭވެސް ހޭދަކުރީ ބިރުވެރި ކަމުގައި ކަމަށް އަލްޖަޒީރާއިން ބުނެފިއެވެ.

އަލްޖަޒީރާގައި ބުނެފައިވަނީ ހަނގުރާމައިގެ ސަބަބުން ސުންނާފަތިވެފައިވާ ޣައްޒާގެ އެކި ސަރަހައްދުތަކުގައި ހާލުގައި ޖެހިފައި ތިބި މީހުން އަދިވެސް ދަނީ ބޮމުގެ ހަމަލާތަކުގެ އަސަރުތައް ތަހައްމަލް ކުރަމުން ކަމަށެވެ.

އެގޮތުން ރޭ އިޒްރާއިލުން ޣައްޒާއަށް ދިން ހަމަލާތަކުގެ ތެރެއިން ބުރެއިޖް ރެފިޔުޖީ ކޭމްޕަށް އަމާޒުކޮށް ވަރުގަދަ ހަމަލާތަކެއް ދީފައިވާކަމަށެވެ.

ހެނދުނު ހެނދުނާ ރަފާހް ގެ ގިނަ ޢަދަދެއްގެ މީހުން ދިރިއުޅޭ އަދި ޙާލުގައި ޖެހިފައި ތިބި ގިނަ ބަޔަކު ދިރިއުޅެމުންދާ ސަރަހައްދަކަށް ދިން ހަމަލާތަކެއްގައި މުޅި އެސަރަހައްދު ވަނީ އެއްކޮށް ވަނީ ސުންނާފަތިވެފައި ކަމަށް އަލްޖަޒީރާގައި ބުނެފައިވެއެވެ.

އެހަމަލާއެރި ގެ ވެއްޓިފައިވަނީ އެގޭގައި ދިރިއުޅޭ އާއިލާ އެގޭގެ ތެރޭގައި ތިއްބައި ކަމަށް އަލްޖަޒީރާގައި ވަނީ ބުނެފައެވެ. އަދި އެހަތް މީހުން ވެއްޓިފައިވާ ޢިމާރާތުގެ ދަށުގައި ތާށިވެފައި ވާއިރު އެމީހުން ތިބީ އެމީހުން އެތަނުން ސަލާމަތް ކޮށް ނެގޭނެ ގޮތެއް ނެތުމުން އެމީހުން އެތަނުން ސަލާމަތް ނުކުރެވި ގިނަ ވަގުތު ހޭދަވަމުން ދާތީ އެމީހުން ޝަހީދުވެދާނެ ކަމުގެ ބިރު މިހާރު ވަނީ ހީވެފައި ކަމަށް އަލްޖަޒީރާގައި ބުނެފައިވެއެވެ.

އޮކްޓޫބަރު 7 ވަނަ ދުވަހު އިޒްރާއިލުން ޣައްޒާއަށް ދޭން ފެށި ހަމަލާތަކުގެ ސަބަބުން މިހާތަނަށް 20،674 މީހަކު ޝަހީދުވެފައިވާ އިރު އޭގެ ތެރޭގައި 8000އަށް ވުރެ ގިނަ ކުދަކުދިން ހިމެނެއެެވެ.

މިހަމަލާތަކިގެ ސަބަބުން 54 ހާހަށްވުރެ ގިނަ މީހުން ވަނީ ޒަޚަމްވެފައެވެ.

މީގެ އިތުރުން ހުޅަނގު އައްސޭރިން 303 މީހަކު ޝަހީދުވެފައިވާއިރު އޭގެ ތެރޭގައި 70 އަށް ވުރެ ގިނަ ކުޑަކުދިން ހިމެނެއެވެ. އަދި 3450 މީހުން ހުޅަނގު އައްސޭރިން ވަނީ ޒަޚަމްވެފައެވެ.