ފުޓްބޯލް އެސޯސިއޭޝަން އޮފް މޯލްޑިވްސްގެ ހިންގާ ކޮމިޓީގެ ކޯރަމް ގެއްލި، ބައްސާމް އަދީލް ޖަލީލް މަގާމުން ވަކިވެއްޖެއެވެ.

އެފްއޭއެމްގެ ހިންގާ ކޮމިޓީގެ ކޯރަމް ގެއްލިފައިވަނީ ހިންގާ ކޮމެތީގައި ތިއްބެވި ތިން މެމްބަރަކު އެ ކޮމެޓީން އިސްތިއުފާ ދެއްވުމާއި ގުޅިގެންނެވެ. މީގެ ކުރިންވެސް ހިންގާ ކޮމެޓީގައި މީގެ ތިއްބެވި ދެ މެމްބަރަކުވަނީ އެ ކޮމެޓީން އިސްތިއުފާ ދީފައެވެ.  އެހެންކަމުން މިހާރު އެފްއޭއެމްގެ އެކްސްކޯގައި ތިބީ ހަތަރު މެންބަރުންނެވެ. އެއީ، އަސާސީ ގަވައިދުގައި ބުނާ އަދަދަށްވުރެ މަދު އަދަދެކެވެ. 

އެފްއޭއެމްގެ އެކްސްކޯއިން އެންމެ ފަހުން އިސްތިއުފާ ދެއްވީ، އަހްމަދު ނަޝީދު - ޑޭވް، މުހައްމަދު ޝިފާއު އަދި އާމިނަތު ޝާނީއެވެ. ކުރިން ނައިބު ރައީސް، ހުސެއިން ޝާފިއު (ކޮއްކީ) އަދި އެކްސްކޯ މެންބަރު ކްލަބް ގްރީން ސްޓްރީޓްސްގެ ރައީސް މުއާވިޔަތު ހަލީލް ވަނީ އިސްތިއުފާ ދީފައެވެ. 

އެފްއޭއެމްގެ ހިންގާ ކޮމިޓީން ކޮކީ އިސްތިއުފާ ދިނުމުން އެ މަގާމަށް ގައުމީ ޓީމުގެ މެނޭޖަރު އަބްދުالله ޝިބާއު ހަމަޖެއްސި ކަމަށް އެފްއޭއެމުން ބުނި ނަމަވެސް އަސާސީ ގަވައިދުގައި ފުރިހަމަ ކުރަން އޮންނަ އިޖުރާތުތައް އެކަމުގައި އެފްއޭއެމުން ފުރިހަމަ ނުކުރެއެވެ. އެހެންކަމުން ޝިބާގެ އެޕޮއިންޓްމެންޓަކީ ލެޖިޓް އެޕޮއިންޓްމެންޓަކަށް ނުބެލޭނެއެވެ. 

އެފްއޭއެމްގެ އެންމެ ފަހު އިންތިހާބުގައި އިންތިހާބު ކުރި ނުވަ މެންބަރުންގެ ތެރެއިން މިހާރު ބާކީ ތިބީ، ބައްސާމް އަދީލް ޖަލީލް، އަލީ އުމަރު، އަހްމަދު ޝަކީބް އަދި މުފާވިޒް ހާޝިމް (މުފާ) އެވެ.