ވެލިފުކެއް އުނިނުކޮށް އިތުރަށް ފުރިހަމަކޮށް ގޯތި ލިބުނު ފަރާތްތަކަށް ގޯތި ލިބޭނެ ކަމަށް އާބަންކޯގެ މެނޭޖިންގ ޑިރެކްޓަރ ފަޒުލް ރަޝީދު ވިދާޅުވެއްޖެއެވެ.

ފަޒުލް މިހެން ވިދާޅުވީ އޭނާ ކުރެއްވެވި ޓްވީޓެއްގައެވެ.

ފަޒުލް ވިދާޅުވީ ހުޅުމާލެ ބިންހިއްކުމުގެ މަސައްކަތް ފެށިއްޖެ ކަމަށެވެ.

Advertisement

އަދި ހުޅުމާލެ އިން ގޯތި ލިބުނު ފަރާތްތަކަަށް ރައީސް ޑރ މުޙައްމަދު މުޢިއްޒު ވިދާޅުވެފައިވާ ފަދައިން ގޯތި ލިބޭނެ ކަމަށްވެސް ފަޒުލް ވަނީ ވިދާޅުވެފައެވެ.

މި މަޝްރޫޢަކީ މާލެ ސަރަހައްދުގައި ކުރިމަތިވެފައިވާ ބޯހިޔާވަހިކަމުގެ މައްސަލައަށް ހައްލު ހޯދައިދިނުމަށް ކުރީ ސަރުކާރުން ޕްލޭންކޮށްފައި އޮތް މަޝްރޫއެކެވެ.

މި މަޝްރޫއުގެ ދަށުން ހުޅުމާލެ ފޭސް 3 ގައި 63 ހެކްޓަރުގެ ބިން އިތުރުކުރުމަށް ވަނީ ހަމަޖެހިފަ އެވެ. މި މަސައްކަތް ފަށާފައިވަނީ މިދިޔަ ސެޕްޓެމްބަރު މަހު 22 ގަ އެވެ. އެގޮތުން އޭރު ފެށި ސައިޓް އޭ ބިން ހިއްކުމުގެ މަސައްކަތް އޮކްޓޯބަރ ފަހުކޮޅަށް ވަނީ ނިންމާލާފަ އެވެ.

ހުޅުމާލެ ފޭސް 3 ހިއްކަނީ މާލެ ސަރަހައްދުން ބިން ދޫކުރުމަށް ނިންމާފައިވުމާއެކު، ގެދޮރުވެރިޔާ ސްކީމުގެ ދަށުން މިހާރު ބިމުގެ ރެޖިސްޓްރީ ހަވާލުކޮށްފައިވާ ފަރާތްތަކަށް ބިން ދޫކުރުމަށެވެ.