"ހަމަހަމަ ފުރުޞަތުތަކާއިއެކު އަންހެނުން ބާރުވެރިކުރުވުން" މި ޝިއާރުގެ ދަށުން އިނގުރައިދޫ ދާޢިރާގެ ޕީޕީއެމް ޕީއެންސީގެ ޕްރައިމަރީގައި ވާދަކުރުމަށް ނިންމައި ޒުހުރިއްޔާ ޙުސެއިންފުޅު އެކަން އިއުލާންކުރައްވައިފިއެވެ.

އިނގުރައިދޫ ކައުންސިލް ޢިދާރާގެ ސެކްރެޓަރީ ޖެނަރަލްކަން ވެސް ކުރައްވާ ޒުހުރިއްޔާ ފާހަގަވެގެން ގޮސްފައިވަނީ ނިމިދިޔަ ރިޔާސީ އިންތިޙާބުގައި ޕީޕީއެމް ޕީޢެންސީގެ ކެންޑިޑޭޓަށް ކާމިޔާބު ހޯއްދަވައި ދެއްވުމުގައި ވަރަށް ގަދައަށް މަސައްކަތް ކުރެއްވި ދާއިރާގެ ރައްޔިތުންނާއި ވެސް ވަރަށް ބޮޑަށް ގުޅޭ ވަރަށް ހީވަގި ކަނބަލެއްގެ ގޮތުގައެވެ.

އިނގުރައިދޫ ދާއިރާގައި ހިމެނޭ ކިނޮޅަސް ، ފައިނު، ރަސްމާދޫ، އިންނަމާދޫ އަދި އިނގުރައިދޫ މި ރަށްތަކުގެ ރައްޔިތުންގެ ކިބައިން ޒުހުރިއްޔާ އެދި ލައްވަނީ ކުރިއަށް އޮތް ޕާރޓީގެ ޕްރައިމަރީގައި އޭނާއަށް ތާޢިދު ކޮށްދެއްވުމެވެ.

މަޢުލޫމާތު ލިބިފައިވާ ގޮތުގައި ކުރިއަށް އޮތް މަޖިލިސް އިންތިޙާބުގެ ޓިކެޓް ހޯއްދެވުމަށް އިނގުރައިދޫ ދާޢިރާގެ ޕީޕީއެމް ޕީއެންސީގެ ޕްރައިމަރީގައި ޒުހުރިއްޔާ އާއި އެކު އިތުރު 2 ބޭފުޅަކު ވާދަކުރައްވައެވެ.