ރާއްޖެއަށް މިހާރު ކުރަމުންދާ ވިއްސާރާގައި މާލެ ސިޓީގެ ގެތަކަށް ލިބިފައިވާ ގެއްލުން ރައީސުލްޖުމްހޫރިއްޔާ ޑރ މުހައްމަދު މުޢިއްޒު ޒިޔާރަތްކުރައްވައި އެ އާއިލާތަކުގެ ހާލު ބައްލަވާލައްވައިފިއެވެ.

ރެއިންފެށިގެން މެދު ނުކެނޑި ރާއްޖޭގެ ބޮޑު ބަޔަކަށް ދަނީ ވިއްސާރަކުރަމުންނެވެ. އެގޮތުން މިއަދު ހެނދުނުން ފެށިގެން ވެހުނު ވާރޭގައި މާލެ ގެ ބޮޑު ބައެއްގައި ފެންބޮޑުވެ ގެތަކަށް ވަމީ ފެންވަދެ ހިފައި ގެންގުޅޭ ތަކެއްޗައް ގެއްލުންވެފައެވެ.

ނޭޝަނަލް ޑިޒާސްޓާ މެނޭޖްމެންޓު އޮތޯރިޓީ (އެންޑީއެމްއޭ) އިން ބުނެފައިވާ ގޮތުން މިހާރު ކުރަމުންދާ ވިއްސާރާގައި މާލޭގެ ހަ ގެއެއްގައި ވަނީ ފެންބޮޑުވެފައެވެ.

Advertisement

ރައީސް ޑރ މުޢިއްޒުގެ ގެއްލުން ލިބިފައިވާ ގެތަކަށް ޒިޔާރަތްކުރައްވަމުން ގެންދަވާއިރު، ރައްޖޭގެ ނައިބް ރައީސްއާއި ކެބިނެޓް ބައެއް ވަޒީރުން ބައިވެރިވެވަޑައިގަންނަވައެވެ.

މޫސުމާ ބެހޭ ގައުމީ އިދާރާއިން ވަނީ މާލެ ސަރަހައްދުގެ އެލާޓް ލެވެލް ވެސް މިއަދު މެންދުރު ފަހުން ފެށިގެން އޮރެންޖު އެލާޓަށް މަތިކޮށްފަ އެވެ.