ޒިކުރާ މިސްކިތުގެ އެތެރެއަށް ބިސްތަކެއް ތަޅާލި މީހާ ފުލުހުން ހޯދައިފިއެވެ.
މިމައްސަލައާއި ގުޅިގެން ފުލުހުން ބުނީ ޒިކުރާ މިސްކިތުގެ އެތެރެއަށް ބިސްތަކެއް ތަޅާލި މީހާ މިހާރު ދެނެގަނެވިފައިވާކަމަށެވެ. ނަމަވެސް އެމީހާ ގެ މައުލޫމާތެއް ފުލުހުން ހިއްސާ ކޮށްފައެއް ނުވެއެވެ.
މީގެ އިތުރުންވެސް ފުލުހުން ބުނީ ޒިކުރާ މިސްކިތުގެ ތެރެއަށް ބިސްތަކެއް އަޅާފައިވާ މައްސަލަ ރޭ ދަންވަތު ފުލުހުންގެ ސަމާލު ކަމަށް އައިސް ފައިވާ ކަމަށެވެ. އެ މައްސަލަ ފުލުހަށް ހުށައެޅިފައިވާ ކަމަށް ބުންޏެވެ. ފުލުހުން އަންނަނީ މި މައްސަލަ ތަހުގީގު ކުރަމުންނެވެ.
ޒިކުރާ މިސްކިތުގެ ނަމާދު ކުރާ ބަޔަކަށް ކުކުޅު ބިސްތަކެއް ތަޅާލާ މިސްކިތުތެރެ ހަޑިކޮށްފައިވާ މައްސަލަ އާންމުންގެ ސަމާލު ކަމަށް ގެނައީ ސަހަރާ މިސްކިތުގައި ހިނެވުމުގެ މަސައްކަތު ގައި އިސްކޮށް އުޅޭ މީހެެކެވެ.
ޒިކުރާ މިސްކިތަށް ބިސް ޖަހާފައިވާ މަންޒަރު ފެންނަ ފޮޓޯ ސޯޝަލް މީޑިއާގައި ދައުރުވަމުން އަންނަ އިރު ގިނަ ބަޔަކު އަންނަނީ މި ކަމާއި ގުޅިގެން ކަން ބޮޑުވުން ފާޅުކުރަމުންނެވެ.
ސައްތައިންސައްތަ އިސްލާމީ މި ގައުމުގައި ގަސްތުގައި މިސްކިތްތައް ހަޑިކުރާ މައްސަލަ އާއި މިސްކިތަށް އިހާނެތިވާނެ ފަދަ ކަންކަން ކުރުން ވަނީ އިތުރުވެއިވާތީ އެކަން ހައްލު ކުރުމަށް މިހާރުގެ ރައީސުލްޖުމްހޫރިއްޔާ ޑރ.މުޙަައްމަދު މުއިއްޒު، މާލެ ސިޓީގެ މޭޔަރު ކަމުގައި ހުންނެވިއިރު މިސްކިތްތަކު ގައި ސެކިއުރިޓީ ކެމެރާ ހަރުކޮށް މިސްކިތްތައް ބެލެހެއްޓުން ވަނީ އިތުރު ކޮށްފައިއެވެ.
Advertisement
This content is created and paid for by advertisers and does not involve Voice Journalists
