ޒިކުރާ މިސްކިތުގެ އެތެރެއަށް ކުކުޅު ބިސް ޖެހި މީހާ އަކީ ނަފްސާނީ ބަލި މީހެއް ކަމަށް ފުލުހުން މިއަދު ބުނެފި އެވެ.

މީގެ ކުރިން ފުލުހުން ބުނެފައިވަނީ  ޒިކުރާ މިސްކިތުގެ އެތެރެއަށް ބިސްތަކެއް ތަޅާލި މީހާ މިހާރު ދެނެގަނެވިފައިވާކަމަށެވެ. ނަމަވެސް އެމީހާ ގެ މައުލޫމާތެއް ފުލުހުން ހިއްސާ ކޮށްފައެއް ނުވެއެވެ. ނަމަވެސް މިހާތަނަށް ބެލި ބެލުމުން އެއީ ސިކުނޑީގެ އުނިކަމެއް ހުންނަ މީހެއް ކަމަށް މިހާތަނަށް ލިބިފައިވާ މައުލޫމާތުތަކުން އެނގޭ ކަމަށް ފުލުހުން ވަނީ ބުނެފައެވެ.

މިކަމާއި ގުޅިގެން މާލެ ސިޓީ ކައުންސިލުން ބުނީ އެ މައްސަލައާ ގުޅުން ހުރިި ސީސީޓީވީ ފޫޓޭޖު ވެސް ފުލުހުންނާ ހިއްސާކޮށްފައިވާނެ ކަމަށެވެ.

ޒިކުރާ މިސްކިތުގެ ނަމާދު ކުރާ ބަޔަކަށް ކުކުޅު ބިސްތަކެއް ތަޅާލާ މިސްކިތުތެރެ ހަޑިކޮށްފައިވާ މައްސަލަ އާންމުންގެ ސަމާލު ކަމަށް ގެނައީ ސަހަރާ މިސްކިތުގައި ހިނެވުމުގެ މަސައްކަތު ގައި އިސްކޮށް އުޅޭ މީހެެކެވެ.

ޒިކުރާ މިސްކިތަށް ބިސް ޖަހާފައިވާ މަންޒަރު ފެންނަ ފޮޓޯ ސޯޝަލް މީޑިއާގައި ދައުރުވަމުން އަންނަ އިރު ގިނަ ބަޔަކު ވަނީ މި ކަމާއި ގުޅިގެން ކަން ބޮޑުވުން ފާޅުކޮށްފައެވެ.

ސައްތައިންސައްތަ އިސްލާމީ މި ގައުމުގައި ގަސްތުގައި މިސްކިތްތައް ހަޑިކުރާ މައްސަލަ އާއި މިސްކިތަށް އިހާނެތިވާނެ ފަދަ ކަންކަން ކުރުން ވަނީ އިތުރުވެއިވާތީ އެކަން ހައްލު ކުރުމަށް މިހާރުގެ ރައީސުލްޖުމްހޫރިއްޔާ ޑރ.މުޙަައްމަދު މުއިއްޒު، މާލެ ސިޓީގެ މޭޔަރު ކަމުގައި ހުންނެވިއިރު މިސްކިތްތަކު ގައި ސެކިއުރިޓީ ކެމެރާ ހަރުކޮށް މިސްކިތްތައް ބެލެހެއްޓުން ވަނީ އިތުރު ކޮށްފައިއެވެ.