"މިކަމާ ގުޅިގެން ކުރަންޖެހޭ ހުރިހާ މަސައްކަތްތަކެއް ވަނީ ފެށިފައި. އެމް.އެމް.އޭ. އާއި، ކަމާބެހޭ އެހެން ފަރާތްތަކާ ގުޅިގެން މަސައްކަތް ކުރެވޭ. އަދި އިރާދަކުރެއްވިއްޔާ ރައްޔިތުންގެ މަޖިލީހުން އަޅުގަނޑުމެންނަށް މިހާރުވެސް އެއްބާރުލުން ލިބޭނަމަ، މަޖިލީހުން ފާސްކުރަންޖެހޭ ޤާނޫނު ފާސްކުރެވޭނަމަ، އެކަމަށް ދެން ބޭނުންވާ ފުރިހަމަކަން ލިބިގެންދާނެ. އަދި އުންމީދު ކުރަން ލިބޭނެ ކަމަށްވެސް. އެހެންވީމާ، ރައްޔިތުންގެ މަޖިލީހުން ފާސްކުރަންޖެހޭ ޚާއްޞަ ޤާނޫނެއް އިރާދަކުރެއްވިއްޔާ އަޅުގަނޑުމެން ފާސްކުރާނަން. ފާސްކޮށްގެން މި ދެންނެވި ގޮތަށް އިންޓަރނޭޝަނަލް ފައިނޭންޝަލް ސެންޓަރުތައް ރާއްޖޭގައި ޤާއިމްކުރުމަކީ، އަޅުގަނޑުމެން ކުރިއަށް ގެންދާނެ ކަންތައްތައް."

ރައީސުލްޖުމްހޫރިއްޔާ ޑރ މުހައްމަދު މުޢިއްޒު 

އަދި ތިލަފުށީގައި މި ހިއްކޭ ބިމުގެ ތެރެއިން އަދި އެއާ ގުޅިފައިވާ ބިންތައް އެ ސަރަޙައްދުގައި ހިއްކޭ އެހެން ބިންތަކުގެ ބޭނުންކޮށްގެން، ރެސިޑެންޝަލް ޕަރޕަސްއަށް، ރައްޔިތުންނަށް ގެދޮރުވެރިކަމާއި، ބޯހިޔާވަހިކަމާއި، ބޭނުންވާ ހުރިހާ ކަމެއް ކަނޑައަޅާފައި، އިތުރަށް ހިއްކާ ބިމުން އަޅުގަނޑުމެން އިރާދަކުރެއްވިއްޔާ މިހާރު ކެބިނެޓުން ފާސްކޮށްފައި އަދި އެސްޓެބްލިޝް ކުރުމުގެ، ޤާއިމްކުރުމުގެ މަސައްކަތް ވަރަށް ބާރަށް ކުރިއަށްދާ، އަޅުގަނޑުމެންގެ އާ ކުންފުނި، އެއީ މި ދެންނެވި ފްރީ ޒޯން، މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީ ޒޯން ކޮމްޕެނީ. އެ ކޮމްޕެނީ އިރާދަކުރެއްވިއްޔާ މި އަންނަ ހަފްތާގެ ކުރީކޮޅު ޤާއިމްކުރެވޭނެ.

ރައީސުލްޖުމްހޫރިއްޔާ ޑރ މުހައްމަދު މުޢިއްޒު