ސްކޫލުގެ ހިންގުމުގެ ކަންކަން މެނޭޖްމެންޓުން ކުރިއަށް ގެންދިއުމުގައި ގެންގުޅޭ ބައެއް އުސޫލުތަކާއި މެދު ހިތްހަމަ ނުޖެހި ލ ދަނބިދޫ ސްކޫލުގެ ބެލެނިވެރިން އެރަށު ސްކްޫލް ދޮށުގައި އިހްތިޖާޖް ކުރަން ފަށައިފިއެވެ.
ވޮއިސްއަށް މައުލޫމާތު ދެއްވަމުން ދަނބިދޫ ސްކޫލުގެ ބެލެނިވެރިއަކު ވިދާޅުވީ، އިހްތިޖާޖް ކުރަން ޖެހުނީ، ސްކޫލުގައި ކިޔަވައިދޭ ބައެއް މާއްދާތަކަށް ޓީޗަރުން ހަމަނުވުމާއި ސްކޫލުގެ ހޯލު ވަރަށް ބޮޑަށް މަރާމާތު ކުރަން ޖެހި ގިނަ ދުވަސްތަކެއް ފާއިތުވެގެން ދާއިރުވެސް އެކަމަށް އެދެވޭ މަސައްކަތެއް މެނޭޖްމަންޓުން ކުރަމުން ނުދިއުމުން ކަމުގައެވެ.
ހޯލުގެ ސީލިންގ ވަރަށް ބޮޑަށް ހަލާކުވެފައި ހުންނަތާ ވަރަށް ދުވަސް ވެއްޖެ، އެހެން ހުރެ ހުރެ މިހާރު އަތް ޖައްސާލިޔަސް އެތަނުން ތަންކޮޅެއް ވެއްޓޭހާ ބަލިވެފައި ހުރީ، އަޅުގަނޑުވެސް އަމިއްލައަށް ގޮސް ބަލާލިން އެހާ ހާލު ދަށްކޮށް ސީލިނގް އޮތީ
ދަނބިދޫ ސްކޫލު ބެލެނިވެރިއެއް
މީގެ އިތުރުން އެބޭފުޅާ ވިދާޅުވީ އަބަދުވެސް ސްކޫލުގައި އެކި މާއްދާތައް ކިޔަވައި ދިނުމަށް ޓީޗަރުން ހަމަ ނުވެ އެގޮތުގައި ދާތާ މިހާރު ފަސް ވަރަކަށް އަހަރު ވެފައިވާކަމަށާއި، ފާއިތުވި އަހަރުވެސް ވޭތުވެފައިވަނީ ސްކޫލުގައި ހިސާބު ޓީޗަރެއް ނެތި ކަމުގައެވެ. އަދި އެކަމުގެ ސަބަބުން ދަރިވަރުންގެ ކިޔެވުމަށް، ވަކިން ޚާއްސަކޮށް ސާނަވީ މަރުހަލާގައި ތައުލިމު ހާސިލްކުރާ ކުދިންގެ ކިޔެވުމަށް ނޭދެވޭ އަސަރު ކުރަމުން އަންނަ ކަމުގައެވެ.
ޓީޗަރުން އަބަދުވެސް ހަމަ ނުވެ ދާނީ، ކޮންމެވެސް މާއްދާއަކަށް އަބަދުވެސް ޓީޗަރުން ހަމަ ނުވެ ދާނީ، މިހާރު ފަސް އަހަރު މިވަނީ އެގޮތަށް އަބަަދުވެސް ވާތާ، މި ދިރާސީ އަހަރުވެސް ފެށުނީ އެހެން، ދެ މާއްދާއެއް ކިޔަވއިދޭނެ ޓީޗަރުން ނެރް، އެކަމަކު މިހާރު ދެން އެކަމަށް ވަގުތީ ގޮތުން އެ މާއްދާތައް ކިޔަވައިދޭން ޓީވަރެއް ނަގައިފައި ހުރީ
ދަނބިދޫ ސްކޫލު ބެލެނިވެރިއެއް
ހަމަ މީގެ އިތުރުން ސްކޫލުގެ ހިންގުންވެސް ދާގޮތް ބެލެނިވެރިންނަށް އެންމެ ހިތްހަމަ ނުޖެހޭކަން ފާހަގަ ކުރައްވައި އެ ސްކޫލުގެ ބެލެނިވެރިޔާ ވިދާޅުވީ، ސްކޫލުގެ ޕްރިންސިޕަލްގެ ފަރާތުންވެސް އެފަދަ މައްސަލަތައް ހައްލުކުރުމުގައި އެންމެ އެކަށޭނެ މަސައްކަތެއް ކުރާތަން ނުފެންނަ ކަމުގައެވެ.
Advertisement
This content is created and paid for by advertisers and does not involve Voice Journalists
