ޗައިނާގެ ރައީސް ޝީ ޖިންގްޕިންގ ރާއްޖެއަށް ވަޑައިގަތުމުގެ ދައުވަތު ރައީސުލްޖުމްހޫރިއްޔާ ޑރ މުހައްމަދު މުއިއްޒު އަރުވައިފިއެވެ.
ޗައިނާގެ ރައީސް ޝީ ޖިންޕިންގެ ދައުވަތަކަށް ރައީސް މުއިއްޒު ޗައިނާއަށް މިހާރު ކުރައްވަމުން ގެންދަވާ ދަތުފުޅުގައި ދޭދޭ ގައުމުގެ ދެމެދުގައި މަޝްވަރާ ކުރެވި އެއްބަސްވެވިފައިވާ ކަންކަމާއި ގުޅޭގޮތުން ރައީސް އޮފީހުން ނެރުއްވި ޖޮއިންޓް ޕްރެސް ކޮމިއުނިކޭޝަންގައި މިކަން ވަނީ ހާމަކުރައްވައިފައެވެ.
މި ޖޮއިންޓް ޕްރެސް ކޮމިއުނިކޭޝަންގައި ވާގޮތުން ރައީސުލްޖުމްހޫރިއްޔާ މުޙަންމަދު މުޢިއްޒު ޗައިނާއަށް ކުރެއްވި ދަތުރުފުޅުގެ ނަތީޖާއާ މެދު ދެފަރާތުން ވެސް ހިތްހަމަޖެހޭކަން ފާހަގަ ކޮށްފައި ވެއެވެ. އަދި ޗައިނާ-މޯލްޑިވްސް ކޮމްޕްރެހެންސިވް ސްޓްރެޓެޖިކް ކޯޕަރޭޓިވް ޕާޓްނަރޝިޕް ކުރިއަށް ގެންދިއުމަށް މިދަތުރުފުޅަކީ ވަރަށް މުހިންމު ދަތުރެއްކަމަށް ދެފަރާތުންވެސް ވެސް އެއްބަސްވެފައިވާކަމަށް މި ޕްރެސް ކޮމިއުނިކޭޝަންގައި ވަނީ ހާމަކޮށްފައެވެ.
މި ޖޮއިންޓް ޕްރެސް ކޮމިއުނިކޭޝަންގައި ވާގޮތުން، ދެފަރާތުގެ ދެމެދުގައި ބޭއްވުނު ވާހަކަ ތަކުގައި ރައީސް މުޙައްމަދު މުޢިއްޒު ދެއްކެވި ވާހަކަފުޅުގައި ޗައިނާގެ ރައީސް ޝީ ޖިންޕިންގއަށާއި، ޗައިނާ ސަރުކާރަށާއި، ޗައިނާ ގެ ރައްޔިތުންނަށް ދެއްވި ހޫނު މެހްމާންދާރީއަށް ޝުކުރު އަދާކުރައްވާފައި ވެއެވެ.
އަދި ޗައިނާގެ ވެރިންނަށް، ފަސޭހަ ވަގުތުތަކުގައި ރާއްޖެ ވަޑައިގަތުމަށް އެމަނިކުފާނުވަނީ ދަޢުވަތު ދެއްވާފައެވެ. އަދި ޑިޕްލޮމެޓިކް ޗެނަލްތައް މެދުވެރިކޮށް މިކަމާ ގުޅޭ މުއާމަލާތްތައް ކުރިޔަށް ގެންދިއުމަށްވެސް ދެ ފަރާތުން ވަނީ އެއްބަސްވެފައެވެ.
ރައީސް ޗައިނާއަށް ކުރައްވަމުން ގެންދަވާ ދަތުރުފުޅުގެ ތެރެއިން އެންމެ މުހިއްމަ ކަމެއްގެ ގޮތުގައި ކުރިއަށް ގެންދެވީ ރާއްޖޭގައި އިންވެސްޓްކުރުމަށް ހުރި ފުރުސަތުތައް އަލި އަޅުވާލައި ކުރިއަށް ގެންދެވުނު "އިންވެސްޓު މޯލްޑިވްސް" ފޯރަމެވެ.
ޗައިނާއިން އެކަނިވެސް 300ށް ވުރެ ގިނަ އިންވެސްޓަރުން ބައިވެރިވި މި ފޯރަމްގައި ޗައިނާގެ އިންވެސްޓަރުންނަށް ރާއްޖޭގައި ހުރި ފުރުސަތުތައް ފާހަގަކޮށް އެކަން ހާމަކޮށްފައެވެ. އެގޮތުން އެކި ދާއިރާތަކުން ހިންގޭ ތަރައްގީގެ ބިޔަ ބޮޑެތި މަޝްރޫޢުތައް ކުރިއަށް ގެންދިއުމުގައި ޗައިނާގެ އިންވެސްޓަރުންނަށް ހުރި ފުރުސަތުތަކަށް އަލިއަޅުވާލައި އެކަމުގެ ތަފްސީލުތައް ހާމަކުރައްވައިފައެވެ.
މީގެ އިތުރުންވެސް އެކި އެކި މަޝްރޫއުތަކަށް ޗައިނާގެ ތަފާތު އެހީތަކުގެ އެއްބަސް ވުންތަކުގައި ސޮއިކުރުމާއި ކުރިއަށް ގެންދެވިދާނެ ކަންކަމާ ގުޅޭ ގޮތުން މަޝްވަރާ ކުރުން ވަނީ ކުރިއަށް ގޮއްސައެވެ.
Advertisement
This content is created and paid for by advertisers and does not involve Voice Journalists
