މޯލްޑިވްސް މާކެޓިން އެންޑް ޕީއާރު ކޯޕަރޭޝަން (އެމްއެމްޕީއާރުސ/ީވިޒިޓް މޯލްޑިވްސް)އިން އިންތިޒާމުކޮށް ބާއްވާ އެމިޓް 2024ގައި ބައިވެރިވުމުގެ ފުރުސަތު ހުޅުވާލައިފިއެވެ.

އެމިޓް 2024 ގައި ބައިވެރިވުމުގެ ފުރުސަތު ހުޅުވާލައި އެމްއެމްޕީއާރްސީން މިއަދު ހުޅުވާލައިފައިވާއިރު މި ފެއަރ ބޭއްވުމަށް ހަމަޖެހިފައިވަނީ ތުުރުކީގެ ވެރިރަށް އިސްތަންބޫލުގައި ހުންނަ ޓޫޔާޕް ފެއާ އެންޑް ކޮންގްރެސް ސެންޓަރުގައި އަންނަ މަހުގެ ހަ ވަނަ ދުވަހުން ފެށިގެން ނުވަ ވަނަ ދުވަހުގެ ނިޔަލަށެވެ. 

އިވެންޓުގައި ލިބޭ ޖާގައަށް ރިއާޔަތްކޮށް ބައިވެރިވުމުގެ ފުރުސަތުތައް ލިމިޓުކޮށްފައިވާއިރު އެމްއެމްޕީއާރްސީން ވިދާޅުވީ އަމާޒަކީ ހަތަރު ދުވަހުގެ މުއްދަތަށް ކުރިއަށްދާ މި ހަރަކާތުގައި މަންޒިލުގެ ތަފާތު ހުށަހެޅުންތަކަށް އަލިއަޅުވާލައ،ި ދުނިޔޭގެ ޓްރެވަލް ކޮމިއުނިޓީގެ ތެރޭގައި އަގުހުރި ގުޅުންތަކެއް އާލާކުރުން ކަމަށެވެ.

އަދި އެ ކޯޕަރޭޝަންގެ ސްޓްރެޓެޖީތަކާ އެއްގޮތަށް ރާއްޖޭގެ ވިޒިބިލިޓީ ވަރުގަދަކުރުމާއ،ި ޓްރެވަލް ޓްރޭޑް ޕާޓްނަރުންގެ މުހިންމު ފަރާތްތަކާ ގުޅިގެން ފަތުރުވެރިކަމުގެ ދާއިރާ ހަރުދަނާ ކުރުމަށް މި މުހިންމު މާކެޓުގެ އޭޖެންޓުންނާއި ގަންނަ ފަރާތްތަކާ ގުޅުން ބަދަހިކުރުމަކީވެސް މި ފެއަރ ގެ އަމާޒެއްކަމުގައި އެ ކުންފުނިން ބުނެއެވެ. 

ތުރުކީގެ މާކެޓަކީ ރާއްޖެއަށް ފުރުސަތުތައް ތަނަވެސް މާކެޓެކެވެ. އެގޮތުން މިދިޔަ އަހަރު 25 ވަނަ ޓޮޕް ސޯސް މާކެޓްގެ ގޮތުގައި ރޭންކް ކުރެވުނެ މި މާކެޓުން 14،007 ފަތުރުވެރިންނާއެކު 33.4 ޕަސެންޓުގެ ފާހަގަކޮށްލެވޭ އިތުރުވުމެއް ފެނިގެންދިޔަ މާކެޓެއްކަމުގައިވެސް އެމްއެމްޕީއާރްސީން ވަނީ ވިދާޅުވެފައެވެ. މީގެ އިތުރުން ސެންޓްރަލް އަދި އީސްޓަރން ޔޫރަޕްގެ މާކެޓަށް އޮންނަ ކަނެކްޓިވިޓީވެސް އިތުރުވެފައިވާ ކަމަށްވެސް އެމްއެމްޕީއާރސީން ވިދާޅުވެފައެވެ.

އެގޮތުން މި ފެއާގައި ބައިވެރިވުމަކީ މި ސަރަހައްދުން އަންނަ ފަތުރުވެރިން އިތުރުކޮށް، ބޮޑު ކުރިއެރުމެއް ހޯދުމަށް ލިބޭ ވަރަށް ރަނގަޅު ފުރުސަތެއް ކަމަށްވެސް އެ ކުންފުނިން ވަނީ ބުނެފައެވެ.

 މި ހަރަކާތުގައި ބައިވެރިވުމަށް ޝައުގުވެރިވާ ރާއްޖޭގެ ފަތުރުވެރިކަމުގެ ދާއިރާއަށް ނިސްބަތްވާ ކުންފުނިތަކުން މިމަހުގެ 16 ވަނަ ދުވަހުގެ 15:00ގެ ކުރިން އެމްއެމްޕީއާރްސީގެ މެމްބަރުންގެ ޕޯޓަލް (members.visitmaldives.com)މެދުވެރިކޮށްބައިވެރިވުމުގެ ތަފްސީލު ހޯދުމުގެ ފުރުސަތު މިހާރު ވަނީ ހުޅުވާލައިފައެވެ.

އަދި މި ފެއާގައި ބައިވެރިވާން ބޭނުންވާ ފަރާތްތަކުން 2024ވަނަ އަހަރަށް މެމްބަޝިޕް އާކުރުމަށް ރަޖިސްޓްރޭޝަން ފުރިހަމަވެފައިވާކަން ޔަގީން ކުރުމަށްވެސް އެ ކޯޕަރޭޝަނުން ވަނީ އެދިފައެވެ.